冷氣機（粵拼：laang⁵ hei³ gei¹）或簡稱冷氣（粵拼：laang⁵ hei³）係一種用來製造冷空氣嘅電器。
世界第一部冷氣機係26歲嘅美國工程師威利斯·開利（Willis Carrier）喺1902年發明，不過部機目的唔係俾人涼冷氣，而係因為有一間4色印刷廠請佢諗下有咩方法保持廠入面濕度嘅穩定性。開利諗到利用入滿冷卻劑嘅盤管，將高濕度嘅空氣水份凝結成露點，從而排出低濕度嘅空氣，冷氣祇係無心插柳嘅副產品。
但係過咗唔夠半個世紀，就有研究話冷氣機抽出嘅熱空氣會令到個城市夜間溫度升高2°C，而且產生嘅碳排放加劇咗氣候暖化。
