創世電視英文Creation TV)係香港第一個24小時基督新教電視台,2003年由影音使團創立,現任總監係前亞洲電視執行董事同高級副總裁葉家寶[1]。最初只喺有線電視 15台播放,之後擴展到now寬頻電視 545台同香港寬頻bbTV 719台播。香港寬頻bbTV喺2017年1月1號停止服務,而家創世電視除咗喺收費電視睇之外,亦可以喺創世電視網頁、創世電視流動應用程式直播串流免費睇。2017年12月31號開始會喺myTV SUPER 602台播同會增設創世電視點播區[2]。創世電視會有兩條頻道播出,myTV SUPER會以高清頻道播放,有線電視同now寬頻電視會以標清頻道播放,而且兩條頻道節目播出時間係唔同嘅。

由於財政問題需要資源整合,nowtv 545台喺2020年4月2號開始停播,有線電視 15台亦於2020年5月1號開始停播。而myTV SUPER 602台就會繼續播放。

節目類型 編輯

創世電視大部份節目都適合普羅大眾欣賞,除咗具備娛樂性同教育性之外,傳達基督信仰方式由淺入深,以預工、佈道到傳道裝備為本,節目類型包括紀錄片、數碼電影、電視劇、音樂、資訊報導、見證、講道等。

使命 編輯

創世電視台係香港第一個24小時基督教電視台,讓「與神同樂」嘅快樂人生信息藉住電視進入家庭之中。電視節目播出之後,都會製作成影音產品,亦會加以剪輯,成為適合教會、學校同機構嘅佈道同生命教育工具,讓福音透過唔同渠道,遍及神州大地同所有華人聚居嘅地方。

出面網頁 編輯

參考 編輯