創興銀行

創興銀行有限公司（英文：Chong Hing Bank Limited，港交所：01111），舊時叫廖創興銀行有限公司（英文：Liu Chong Hing Bank Limited），係一間香港銀行，1948年由廖寶珊創立。1994年，廖創興企業（港交所：00194）分拆廖創興銀行，上市香港聯合交易所。2006年12月23號起，廖創興銀行改名做「創興銀行有限公司」，話係想淡化家族形象，令銀行企業形象後生啲，同埋方便進軍中國大陸。銀行總行亦喺同年12月27號搬咗去中環德輔道中24號創興銀行中心。創興銀行喺2014年2月14日成為越秀集團成員。