劉天正
劉天正（英文：Timothy Lau），香港傳統親中陣營民建聯黨員，前任中西區區議員盧懿杏嘅徒弟，曾經做過10年電台兒童節目主持，亦曾經參選第6屆香港區議會選舉，第9屆青年民建聯秘書長。
部分公職
編輯- 2023 - 2025 年度地區青年發展及公民教育委員會(中西區)委員[1]
爭議
編輯疑失實指控區內法團
編輯武漢肺炎疫情期間，佢曾經聲稱均益大廈二期業主立案法團管理委員會（管委會）可恥，話佢哋因為政治問題拒絕民建聯將口罩送到住戶信箱，但管委會之後反駁，話劉天正從來無向管委會申請派口罩[2]。
武漢肺炎疫情期間侮辱被隔離人士
編輯武漢肺炎疫情期間，政府不時突然封區，禁止居民外出配合政府嘅檢疫工作。而家住西營盤均益大廈嘅中西區區議員葉錦龍，喺2021年3月31號，就要往隔離酒店檢疫。但當佢同其他居民登上往隔離營嘅巴士嗰陣，民建聯楊學明就喺旁邊大笑，叫葉錦龍「入到去要生生性性做人」，而劉天正亦喺旁邊大聲譏笑，又話「有病毒傳染他人就唔好」。葉錦龍批評，佢哋兩個咁做係侮辱所有要強制檢疫、不幸感染武漢肺炎病毒嘅人，包括今次嘅相關住戶，亦影射「所有於懲教院舍的人等同染疫」，其心可誅。葉錦龍又話，政府嘅抗疫隔離等同懲罰性監禁[3][4]。
選舉經歷
編輯2023年12月，劉天正參選2023年香港區議會選舉，喺三會委員可以互相提名都唔當係利害衝突嘅制度下，佢終於成為中區區議員。[5]
參考
編輯- ↑ 〈民政事務總署 - 公共服務 - 青年參與倡議計劃 - 地區青年發展及公民教育委員會 - 中西區〉。www.had.gov.hk。喺2024-06-22搵到。
- ↑ 〈李八方online︱民建聯敗將聲稱被拒派口罩 均益二期管委會秘書轟屈得就屈 ｜ 蘋果日報〉。《Apple Daily 蘋果日報》 (香港中文)。原著喺2020-12-20歸檔。喺2021-04-01搵到。
- ↑ 〈Emily Online｜葉錦龍赴酒店檢疫 民建聯楊學明：入到去生生性性做人 (22:31) - 20210401 - 港聞〉。《明報新聞網 - 即時新聞 instant news》 (繁體中文)。喺2021-04-01搵到。
- ↑ 〈武漢肺炎︱民建聯敗將涉譏笑隔離區議員如入獄：去到要生生性性做人 ｜ 蘋果日報〉。《Apple Daily 蘋果日報》 (香港中文)。原著喺2021-04-02歸檔。喺2021-04-01搵到。
- ↑ 〈區議會選舉｜地區直選結果出爐 一文看清當選人名單〉。《明報新聞網》 (繁體中文)。喺2023-12-12搵到。