第6屆香港區議會選舉

香港區議會第六屆選舉


2019年區議會一般選舉,係香港主權移交後第6屆香港區議會選舉,喺2019年11月24號舉行。呢次選舉會重選香港十八區區議會全部452個民選議席,加埋年頭已經改選嘅27個當然議員,總共479席。議席任期四年,由2020年1月1號去到2023年12月31號為止。呢場選舉普遍被視為係對反送中運動嘅公投,同埋係中國共產黨顛覆香港選舉制度香港最後一場自由選舉。

2019年香港區議會選舉
香港
2015 ←
2019年11月24號 → 2023
→ 當選議員中文香港第六屆區議會

452個民選議席
投票率 71.23% 24.22%)[1]
  第一大黨 第二大黨 第三大黨
 
領袖 胡志偉 楊岳橋 李慧琼
政黨 民主黨 公民黨 民建聯
政黨聯盟 民主派 民主派 親中派
代表選區 未參選 未參選 九龍城土瓜灣北中文土瓜灣北
上屆結果 43席,13.56% 10席,3.62% 119席,21.39%
選前議席 37 12 117
贏得議席 91 32 21
議席差額 54 20 96
民選得票 362,275 141,713 492,042
得票率 12.41% 4.85% 16.85%
游離票率 1.15 1.23% 4.54%

  第四大黨 第五大黨 第六大黨
 
領袖 范國威 施德來 朱凱廸
政黨 新民主同盟 民協 朱凱迪新西團隊中文朱凱迪新西團隊
政黨聯盟 民主派 民主派 民主派
代表選區 西貢運亨中文運亨 黃大仙東美中文東美 元朗八鄉南中文八鄉南
上屆結果 15席,2.92% 18席,3.82% 新政黨
選前議席 13 12 0
贏得議席 19 19 8
議席差額 6 7 8
民選得票 87,923 77,099 34,845
得票率 3.01% 2.64% 1.19%
游離票率 0.09% 1.18% -

2019年香港區議會選舉結果地圖(勝出派別及當選者得票率)

2019年香港區議會選舉結果地圖(勝出政黨)

呢場選舉正值反送中運動,吸引大批不滿中共香港政府香港警察嘅選民踴躍投票,投票人數同投票率都創香港選舉嘅新高。結果支持反送中運動嘅民主派喺呢場選舉贏到開巷,攞到全港接近九成嘅絕大多數民選議席,相反畀中共操控嘅親中派就輸到甩褲,得返大約一成嘅少數民選議席,比2003年嗰時重慘烈。

呢場選舉嘅結果反映香港絕大多數民意都係支持反送中運動,令大為震驚嘅中共輸打贏要,喺之後通過港版國安法大肆迫害政治異見人士,甚至強行顛覆香港選舉制度

背景 編輯

上屆區議會選舉民主派雨遮革命後,強調要將運動精神帶落社區,以致多咗唔少人留意政治,甚至出現「傘後組織」成立同埋一眾政治新人(俗稱「傘兵」)參選,議席上面有增進。到2016年嘅立法會選舉,民主派攞到30席。但係之後中共同香港政府輸打贏要,以一連串官司同釋法,強行剝奪6個民選議員嘅資格,打後嘅兩場補選,民主派都處於劣勢,親中派更加第一次喺「單對單」嘅立法會補選入面贏咗,咁樣嘅情況之下,民主派聲勢低迷。

同時,戴耀廷提出「風雲計劃中文風雲計劃」,計劃由區議會入手,增加民主派喺立法會同特首選委入面嘅影響力。計劃打算搵大約100人去填補本身冇人選嘅白區,減少親中派自動當選嘅機會,但係計劃既冇經費,又唔夠人去參加,不過的確培養到一班人出嚟選區議會。

2019年6月,逃犯條例修訂草案掀起社會極大嘅反對浪潮,1個月內出現咗兩場超過100萬人同200萬人嘅遊行,反送中運動亦都令到選民新登記人數破咗歷年記錄,選民人數更加突破400萬人,呢啲新登記選民被視為係對香港政府不滿而催生出嚟嘅,佢哋嘅投票意向足以影響嚟緊嘅區議會選情。

亦都因為反送中運動,唔少素人都開始落區,參選區議會,當中有譚香文發起嘅反自動當選運動,但係當中開始出現撞區嘅情況,尤其是大學選區同曉麗選區引起嘅風波最大,咁啱兩區都牽涉由反自動當選運動出嚟嘅候選人。由幾十個素人組成嘅宣傳平台「自由系」亦都喺同期成立,最後民主派成功填滿所有白區,今屆選舉成為自1982年區議會成立以嚟,第一次冇區自動當選。

反送中運動去到10月都未完,香港政府更加喺10月動用《緊急情況規例條例》推行《禁止蒙面規例》,令局勢火上加油。同時,香港政府同親中派人士亦一直威脅,如果投票當日有事發生,香港政府會強行押後選舉、強行取消嗰個選區嘅選舉,甚至強行取消成個區議會嘅選舉。

結果 編輯

內文:第6屆香港區議會選舉結果
 
所有議席分佈(黃色係民主派;藍色係親中派)

反送中運動仍未結束嘅情況下,民主派係呢次選舉嘅大贏家,夾埋攞到差唔多390席,幾乎控制晒各區區議會,親中派只係保得住當然議員佔近半數嘅離島區議會控制權。

民主黨繼2003年第2屆香港區議會選舉之後,取代咗民建聯做咗區議會第一大黨,而新民黨港九勞工社團聯會就無晒所有議席。

有啲落選嘅親中派區議員獲香港政府委任公職,引發爭議:

  • 油尖旺區獨立親中派(九社聯、西九新動力)鄧銘心出任食水安全諮詢委員會委員[2]
  • 新民黨林梓鴻、青年民建聯主席施永泰出任青年廣場管理諮詢委員會委員[3][4],但施永泰冇份參選今屆區選。
  • 新民黨容海恩、民建聯何俊賢獲委任為廉署事宜投訴委員會成員[5][6],但容海恩、何俊賢冇份參選今屆區選。
結果簡要
區議會 議席總數 民主派 親中派 中間派
中西區 15 14 1
灣仔區 13 9 4
東區 35 32 3
南區 17 15 2
油尖旺區 20 17 3
深水埗區 25 23 2
九龍城區 25 15 10
黃大仙區 25 25
觀塘區 40 28 12
荃灣區 21 16 4 1
屯門區 32 28 4
元朗區 45 33 12
北區 22 15 7
大埔區 21 19 2
西貢區 31 26 2 3
沙田區 42 40 2
葵青區 32 27 5
離島區 18 7 11
389[a] 86[b] 4[c]

紀錄 編輯

  • 今次區議會選舉投票率係香港有民選以嚟最高(71.23%)。
  • 投票人數亦都創新高(2,943,842人)。
  • 第一次冇選區自動當選
  • 第一次有同性戀者當選區議員(只包括已出櫃人士):岑子杰張錦雄中文張錦雄
  • 由1982年有區議會選舉嗰時已經當選嘅屯門區蘇炤成中文蘇炤成,受到十一次選舉洗禮,今屆畀立言香港委員巫堃泰中文巫堃泰打低,終於落馬。換言之,香港第一代嘅區議員只係剩低離島區嘅周玉堂(但係周玉堂係一次區議會選舉都未參加過)。而由1985年開始連續當選十屆嘅區議員重有四位,分別係觀塘區潘任惠珍、荃灣區陳琬琛、沙田區程張迎、葵青區梁耀忠

後續 編輯

呢場選舉嘅結果,令中共大為震驚。香港政府輸打贏要,設立多個成員全部由香港政府委任嘅委員會,同埋搵香港政府入面嘅民政事務專員嚟架空民選嘅區議會,中共又喺2020年通過港版國安法,大肆迫害民主派,甚至強行顛覆香港選舉制度。再之後,香港政府強逼區議員宣誓,引發香港民主派區議員辭職潮

註腳 編輯

  1. a.包括2個熱血公民成員,佢哋其實係修憲派,唔稱呼自己做民主派,兼夾同民主派有唔少牙齒印;深水埗區嘅甄啟榮上屆係經民聯成員,不過中途退出,後嚟更加回歸民主派陣營,但係有唔少媒體(諸如立場新聞)將佢擺落中間派度
  2. b.包括27個喺2019年頭已經改選嘅當然議員,佢哋全部都係親中派
  3. c.西貢區嘅3個中間派都屬於專業動力,有指佢哋有親中派嘅背後支持,所以有人唔當佢哋係中間派

參考 編輯

  1. 選舉管理委員會 (2019-11-25). 2019區議會選舉投票率 全港投票率增長情況. 原先內容歸檔喺2019-11-25.
  2. 選連任失敗 親中派鄧銘心入食水安全諮詢委員會成員 | 立場報道 | 立場新聞. 場新聞 Stand News (英文). 喺2020-01-04搵到.
  3. 選區議員有後著:有獲派公職!民建聯自組監察平台 | 熱話. (美國英文). 2020-01-03. 喺2020-01-04搵到.
  4. 議落敗 新民黨林梓鴻獲派公職 | 立場報道 | 立場新聞. 場新聞 Stand News (英文). 喺2020-01-04搵到.
  5. 海恩、何俊賢獲委任為廉署事宜投訴委員會成員 | 立場報道 | 立場新聞. 場新聞 Stand News (英文). 喺2020-01-04搵到.
  6. 員會洗牌 袁海文入消委會. Sing Tao Daily 星島日報加拿大 (臺灣中文). 2019-12-27. 喺2020-01-04搵到.

出面網頁 編輯