劉秀

漢光武帝劉秀（粵拼：hon3 gwong1 mou5 dai3 lau4 sau3）（前6年—57年），字文叔man4 suk1，係漢代皇帝。佢恢復因王莽中斷嘅漢治，人稱後漢，或者東漢。佢係呢段時期嘅首任皇帝，死後廟號世祖sai3 zou2，謚號光武皇帝，所以後世人稱漢光武帝。

劉秀先祖係漢朝皇室成員劉買（舂陵節侯），亦係漢景帝劉啟嘅晜孫，但到佢嗰代，都同平民無異。佢住喺南陽（今日湖北棗陽）。佢阿爸做地方縣令，之但係佢又曾經喺街市賣過米。

王莽期間，天下大亂，劉秀同阿哥劉縯，跟住劉玄作反。公元23年，劉秀只係用人三萬，就打贏咗王莽嘅軍隊，聲望越嚟越勁。公元25年，劉秀終於坐上皇帝位，恢復國號「漢」，定都洛陽。

劉秀在位期間，逐漸剷除羣雄，又降低賦稅，興修水利，恢復咗當時疲弱嘅經濟。有人叫呢段時期做光武中興。

公元57年，佢死喺宮內，享年六十三歲，在位卅三年。

家族