劉錫康

劉錫康（英文：Philip Sak-hong LAU，1947年—），係升岡國際有限公司董事局主席、總經理同創辦人。

1947年喺廣東番禺出世。老竇做過家族生意，但後來破咗產。之後去到香港發展，就喺電子廠做咗學師仔，到咗1969年，就向阿媽借咗10萬蚊創立咗升岡電子有限公司，但到咗1973年畀日籍商人呃咗200萬港元，事業亦跌落谷底，喺1979年，得到賭王何鴻燊夾份喺澳門開咗一間電子廠，喺1988年4月12號，佢一手創立嘅升岡電子有限公司（已被升岡國際有限公司取代）正式喺港交所上市。

馬主生涯

劉錫康、劉錫鴻、劉錫澳、劉錫淇、劉錫海幾兄弟、囝囝劉日申、囡囡劉津津都係香港賽馬會嘅馬主會員，由1991-1992馬季開始擁有以「蝦王」兩個字命名嘅馬匹，名下馬匹包括已退役嘅「蝦王」、「御蝦王」、「蝦王之星」、「靚蝦王」、「正蝦王」、「愛蝦王」、「快蝦王」、「叻蝦王」、「精蝦王」、「貴蝦王」、「暢蝦王」、「賞蝦王」、「雲吞蝦王」、「甜蝦王」、「活得精彩」、「叻蝦皇」、「旺蝦王」、「阿李蝦蝦」（劉錫康本尊名下）、「蝦王至上」（劉錫鴻名下）、「有錢途」（劉錫澳名下）、「兵奇臨」（劉錫淇名下）、「新蝦王」、「哈蝦巴爸」、「哈蝦王旺」（劉日申名下）、「開心蝦王」（劉錫海名下）、「穿雲箭」（劉錫澳、劉錫淇同劉錫鴻名下）、「但求蝦王」（蝦王之友團體名下），「靚蝦女」、「神之水滴」（好酒好菜團體）、「蝦李波特」、而家服役嘅「金榜之星」、「快靚旺」。

靚蝦王 喺香港短途錦標、洋紫荊短途錦標、跑馬地錦標、安田紀念賽等賽事奪冠，但唯一最失敗嘅係叻蝦王，而精蝦王退役之後曾經有仔女嚟過香港服役。

家庭成員

劉錫康有兩仔一女：劉日東、劉日申、劉津津，此外重有侄劉誠欣、劉宇彤同埋侄女劉馨而。

出面網頁

• 劉錫康-Quamnet.com 華富財經