香港賽馬會(喺香港主權移交之前叫做英皇御准香港賽馬會,簡稱馬會)係香港唯一合法嘅博彩機構。

跑馬地馬場
會員福利香港賽馬會跑馬地會所
馬會場外投注站
受惠賽馬會項目賽馬會創意藝術中心
香港賽馬博物館
車前標誌係馬會會員身分嘅象徵
賽馬會六合彩攪珠結果展示板

馬會喺香港擁有兩個馬場,佢哋就係位於新界沙田沙田馬場同埋位於香港島跑馬地快活谷馬場

歷史 編輯

1841年,英國人一去到香港就將賽馬呢種運動帶埋嚟,重將而家位於跑馬地嘅地方清理開闢成為馬場(1845年落成),而香港賽馬會喺1884年11月4號正式成立至今,一直都用緊呢個馬場;直到1978年10月號,第二個馬場 - 沙田馬場亦正式啟用。

1973年,香港政府為咗打擊日漸猖蹶嘅非法外圍賭博,於是批准馬會開辦場外投注嘅服務。

跑馬 編輯

香港賽馬會嘅賽馬多數係逢禮拜三及禮拜六或者日跑馬,而每年馬季收鑼(馬匹休息期,又叫「抖暑」)大約係六月尾至九月初呢段時間。自2009-2010年馬季開始,馬季賽期拉長,兼且越嚟越有馬季全年無休嘅趨勢。

馬會除咗提供本地賽馬畀廣大市民一試運氣之外,重會間歇性提供一啲外地嘅賽事嚟投注,例如日本安田紀念賽日本盃杜拜世界盃;如果有舉行香港大賽盃賽或者喺香港搞嘅國際賽事,再加上每年一度嘅香港馬王選舉,馬會更加會將佢哋隆重其事,可以話係香港馬圈中嘅盛事。

足智彩 編輯

內文:足智彩

足智彩(HKJC Football)即係香港賽馬會屬下《香港馬會足球博彩有限公司》(HKJC Football Betting Limited)所提供嘅足球投注(俗稱賭波)。

受注賽事 編輯

所有受注嘅賽事都係《國際足協》認可嘅賽事,而暫時嚟講主要係以歐美地區嘅足球賽為目標,好似英格蘭England)國內聯賽(超聯冠軍組甲組)及盃賽、西班牙Spain)國內頂級聯賽及盃賽、德國Germany)國內聯賽(甲組乙組)及盃賽、意大利Italy)國內頂級聯賽及盃賽(以上四個國家嘅聯賽被統稱為「四大聯賽」),重有France)、瑞典Sweden)、Norway)、Scotland)、Brazil)……等嘅國內聯賽盃賽,亦有兩個亞洲國家嘅足球聯賽及盃賽可以玩,佢哋分別係日本聯賽同盃賽,同埋南韓嘅國內聯賽。隨住英國壇巨星碧咸(David Beckham)加盟美國職業足球大聯盟嘅隊伍洛杉磯銀河之後,足智彩亦開埋相關嘅賽事畀市民玩。

遇到每次嘅國際大型足球盛事更加係唔會例外,好似FIFA世界盃足球賽美洲國家盃、歐/美洲球會盃(例如最為人注意嘅歐國盃同埋歐冠盃)……等。有時喺呢啲世界性嘅足球大賽之前,各個國家隊之間都會進行一系列嘅熱身賽或者友誼賽,呢啲賽事亦有機會喺足智彩度投注。

六合彩 編輯

內文:六合彩

六合彩(Mark Six)係馬會屬下《香港馬會獎券有限公司》(HKJC Lotteries Limited)所代理主辦嘅字花形式彩票(又稱為「樂透式」彩票);現時嘅投注形式主要係要喺 49 個號碼入面選中最少三個號碼(得七獎)至到最多七個號碼(詳見下面《七個字》)先至有得攞彩金,彩金嘅金額由 $20 港幣至過億元港幣不等。

攪珠及過程 編輯

呢六個號碼嘅選取方式係會用分別編上四十九個號碼嘅顏色波仔,然後放入一部攪珠機入面隨機跌出嚟嘅;每次除咗會攪出六個主要號碼之外,重會額外攪多一個號碼波作為頭獎以外嘅其他獎用途,稱之為「特別號碼」(Extra Number)。每次六合彩攪珠重會有馬會嘅高層人士聯同一位太平紳士做監場,電視台亦會全程直播,務求成個攪珠過程會喺公正同公開嘅情況之下進行。

獎金及金多寶 編輯

六合彩係一個同中同分嘅彩池,選中攪出嚟嘅六個主要號碼就可以得頭獎,選中其中五個主要號碼加埋個特別號碼可得二獎,如此類推,一直至最少要選中三個號碼嘅七獎。基本嘅頭獎彩金已經有五百萬港元,如果嗰期六合彩冇人中頭獎,咁呢份彩金就會撥落下一期成為累積多寶獎金(Jackpot),直至有人中為止;有時遇到一啲特別節日,馬會重會撥出一筆巨額款項作為獎金,稱為「金多寶」(Snowball)。因為而家嘅派彩金額已經冇上限,有時遇着幾期冇人中頭獎,再加上金多寶獎金的話,頭獎基金隨時多過港幣五千萬。

七個字 編輯

有人會買所謂「七個字」嘅複式組合,即係買主要六個號碼之外重買埋個特別號碼,共七注飛;如果佢所選嘅主要六個號碼都中晒,而又中埋個特別號碼(即七個攪出號碼都中晒),咁佢除咗可以領得一份頭獎之外,重會額外有六份二獎,其情況如下:

  • 頭獎一份(同中同分,如果多過一注中就會瓜分彩池)
  • 二獎一份
  • 二獎一份
  • 二獎一份
  • 二獎一份
  • 二獎一份
  • 二獎一份

當然會有人買更多個號碼嘅組合,或者「配膽」咁落注,希望攞到最多獎金,但係組合更多,投注金額就必定會更高。

公益 編輯

六合彩嘅收益除咗會用嚟派發彩金之外,重會用嚟回饋社會作公益慈善嘅用途;所以馬會有以下呢句口號:「六合彩券 惠澤社群」。

假冒 編輯

中國大陸被發現有好多假借香港馬會六合彩嘅名義嚟開設六合彩賭盤,佢哋有啲重會特別開設網站畀內地嘅市民經網上落注,而且表示香港賽馬會有貼士可以提供,著投注者直接聯絡馬會查詢;好多人因為唔知情而熱情參與其中,亦信以為真有咩貼士而致電馬會查問,有啲甚至因為買呢啲非正式嘅六合彩而搞到傾家蕩產(真有實例,重唔係一單咁少)。其實香港馬會從來冇喺香港以外嘅地方(包括中國大陸)經營六合彩事業,亦都冇提供任何買顏色波,單雙,大細……等嘅彩池;又因為六合彩係每次隨機攪出嚟嘅,有人監場又有電視直播嘅情況底下,常理嚟講跟本冇可能預測會開咩號碼或者咩嘢顏色,馬會喺攪之前冇可能畀貼士

公益慈善 編輯

內文:香港賽馬會慈善信託基金

馬會早於1915年,就已經有進行慈善工作,並且喺1993年成立香港賽馬會慈善信託基金。

爭議 編輯

馬會曾經爆出一啲內部爭議(例如:遴選會員懷疑收取利益事件[1]、萬成造馬事件[2]、試過喺賽道淋水製造唔公平場地而並無合理交代[3]、高壓對待員工、打壓罷工權利、忽視員工權益[4][5]),引起一啲批評。

相關網頁 編輯

參考 編輯

  1. . www.icac.org.hk. 喺2022-02-15搵到.{{cite web}}: CS1 maint: url-status (link)
  2. https://web.archive.org/web/20090504010408/http://www.mpinews.com/htm/INews/20071012/gb51635a.htm. 原著喺2009年5月4號歸檔. 喺2009年4月21號搵到. {{cite web}}: Missing or empty |title= (help)
  3. https://web.archive.org/web/20090225042005/http://www.mingpaoracing.com/cfm/Hotnews.cfm?Archive=20090224%2Fca02245.txt. 原著喺2009年2月25號歸檔. 喺2009年4月21號搵到. {{cite web}}: Missing or empty |title= (help)
  4. https://web.archive.org/web/20071028085039/http://www.hkctu.org.hk/text/contentr.php?orgtopicid=782. 原著喺2007年10月28號歸檔. 喺2009年4月21號搵到. {{cite web}}: Missing or empty |title= (help)
  5. https://web.archive.org/web/20120528103215/http://ftu.org.hk/view.php?Tid=134. 原著喺2012年5月28號歸檔. 喺2009年4月21號搵到. {{cite web}}: Missing or empty |title= (help)