劍
劍（粵音：gim3）係一種可以用嚟拮人同劈人嘅武器，兩邊鋒利，多數係尖頂。
定義
編輯
喺中華文化入面，劍同埋刀係兩種唔同嘅兵器。劍係符合「雙鋒」、「直型」、「尖頭」呢啲特徵嘅刃具。刀就係「單鋒」，直定彎嘅形態都得嘅刃具。喺英文語境入面就唔區分劍同埋刀，「劍」（Sword）平時係指直型雙刃嘅劍，但係包括咗「單鋒嘅劍」（Single-edged sword）。日本更加唔區分劍同埋刀，因為日本文化短兵器一直以嚟都係得武士刀，直刃嘅忍者刀都只係以武士刀做基礎嘅變體，打刀、太刀、脇差都只係大細長短唔同嘅武士刀，因為樣式單一，所以對日本文化嚟講刀劍係同義。
歷史
編輯人類自從銅器時代開始就用帶刃嘅武器。早喺公元前2世紀，人類就已經可以製造類似匕首嘅武器。喺銅器時代，由於冇辦法突破銅嘅抗張強度，超過90公分嘅劍係幾乎見唔到嘅。人們需要搵到一種比銅更硬嘅金屬先可以造出更長嘅劍。劍柄最開始只係一個簡單嘅把手，防止使用者俾劍刃割傷。世界上好多文明都早喺青銅時代開始就用劍呢種武器，係從匕首演變過嚟嘅。青銅時代嘅劍大約喺西元前1600年。鐵器時代嘅劍唔長，而且冇劍身同埋劍柄之間嘅劍格。
東亞
編輯銅器時代
編輯
中國最早嘅劍係用玉或者石製造嘅，青銅劍出現喺商代，商代都開始有製劍嘅史料記載[1]。西周時期中原地區以車戰為主，劍喺嗰時係作為弓箭、長兵器之後嘅近戰短兵器，處於輔助嘅地位。喺吳、越等地區就唔同，水網縱橫，多山林，近身戰用短兵器嘅機會比較多，所以將劍作為主要武器，春秋時期嘅名劍都因此大多數出自呢啲地區，例如越王勾踐劍。戰國時期車戰衰落，步戰興起，青銅劍成為步兵嘅標準裝備之一。[2]隨著劍喺戰爭入面嘅地位上升，劍嘅長度都逐步加長，從春秋到戰國早期嘅大約50公分到秦始皇時期嘅80至90公分。東周時期盛行佩劍之風，劍身上面嘅裝飾都日益華美。[3]
鐵器時代
編輯
中國嘅鐵劍自西周晚期就已經出現，戰國時期開始，隨著冶鐵技術嘅發達而大量應用，呢個時候楚國同埋韓國名劍滿天下，長度從80公分到140公分嘅都有。[4]出土嘅鐵劍就以楚國同埋燕國地區比較多。戰國時期仲出土咗少量嘅鋼劍。[5][6]
西漢前期，鐵劍完全取代咗青銅劍。冶煉技術都有好大嘅提高，出現咗「卅煉」、「五十煉」、「百煉鋼」等冶煉工藝。西漢前期都出現咗著名嘅環首刀，西漢晚期鐵劍仍然有大量使用，同環首刀並存。到東漢晚期，環首刀完全取代咗鐵劍，成為戰場上面嘅主流武器。[7][6]
日本古墳時代出土嘅兵器有雙刃嘅鐵劍同埋單刃嘅直刀，大約5世紀末鐵劍俾淘汰，古墳後期之後嘅兵器以直刀為主，之後逐步演化做刀身彎曲嘅日本刀[8]。因為劍喺日本消失，現代日本劍術、劍道所講嘅「劍」，實際上係單刃嘅刀。
西亞
編輯銅器時代
編輯呢節要加長。 |
鐵器時代
編輯赫梯人係最早用鐵劍嘅文明之一。波斯嘅安息同埋薩珊王朝時期，鐵劍已經普及。
中世紀
編輯中東同埋北非以及南亞，實際上幾乎完全廢止咗使用直型劍，完全噉用刀作為軍人個人嘅武器。
歐洲
編輯銅器時代
編輯歐洲地區嘅地中海、黑海以及西亞地區嘅劍係典型嘅柳葉刃，北歐地區嘅劍就係螺旋型嘅。
鐵器時代
編輯鐵劍喺前13世紀嘅鐵器時代開始普及。希臘邁錫尼文明以及原始凱爾特語族嘅早期鐵器時代文明（公元前8世紀）同赫梯人同屬最早用鐵劍嘅文明。鐵劍，由於對原料嘅充分利用而俾大規模生產。早期嘅鐵劍要比後嚟嘅鋼刃劍差好多，由於好脆，鐵劍甚至仲差過一啲好嘅銅劍，不過鐵劍嘅優勢在於製作簡單，材料利用率高，呢樣令到成隊軍隊都可以用得上呢種金屬武器（不過埃及軍隊早喺銅器時代就已經全軍裝備銅劍）。
後嚟，鐵匠們發現只要喺鐵熔煉嘅時候加一啲木炭等碳素，就可以整出一種更強嘅合金。全世界整劍嘅方法有好多，其中使用最廣泛嘅就係鑄造法。
喺希臘、羅馬嘅古典時代，鐵劍已經普及。希臘劍同埋羅馬短劍係呢個時期典型嘅劍型，長度通常喺60到70厘米。到咗羅馬帝國後期出現咗叫做Spatha嘅劍（呢段時間喺君士坦丁堡出現咗使用Spatha嘅貴族階層Spatharius）。至此，長劍時代嚟臨啦。
中世紀
編輯
晚期羅馬軍隊用嘅斯帕塔係中古時期歐洲劍嘅前身，最早演變做大遷徙時代劍，喺中世紀中期演變做有劍格嘅騎士劍。中世紀中期到晚期嘅劍型分類，喺學術界比較通行嘅分類法係Oakeshott類型學。
Spatha劍喺民族大遷徙時期甚至完全進入中世紀嘅時候都好普及。Vendel時期Spatha劍俾日耳曼式嘅花紋裝飾（唔係日耳曼仿羅馬花紋）。維京時期產生咗更多標準化生產嘅劍，但係劍型依然係以Spatha做模板嘅。
直到11世紀嘅諾曼劍先至創造咗鍔叉（Quillon）同埋十字型護手（Crossguard）。12到13世紀嘅十字軍用嘅武器就係呢種形狀好似十字架嘅劍，改動主要係令劍柄圓頭更加尖。呢啲劍嘅攻擊方式俾設定為砍殺，不過裝甲上面嘅俾砍殺點都同時進行咗加固。
歐洲淨係用於受封儀式嘅慈悲劍或者用於斬首嘅斬首劍（冇戳刺嘅需要）係冇劍尖嘅劍，而單鋒劍就係淨係得單面開鋒嘅劍。
中世紀晚期到文藝復興時期
編輯14到16世紀，隨著裝甲嘅改變，新式劍嘅出現越來越頻繁。最主要嘅改變係劍柄同埋劍刃嘅加長導致雙手劍嘅出現。喺15世紀，呢種雙手劍叫做langes Schwert（德文）或者spadone（意大利文），意思係長劍。長劍由於佢嘅攻擊範圍以及刺同埋砍嘅能力增強，越來越受歡迎。15到16世紀，有大量嘅戰鬥手冊介紹點樣使用雙手劍。另一種改變係出現咗專門對付盔甲嘅刺甲劍（estoc）。刺甲劍係一種特化型嘅雙手劍，鎧甲嘅薄弱處係連接金屬板嘅地方，呢啲地方使用繩或者皮革連接，底面有時覆蓋住鎖甲，刺甲劍可以好容易刺穿而唔會俾彈飛。因此刺甲劍都風靡一時。長劍嘅旺盛生命力來源於佢有極強嘅攻擊範圍、刺同埋砍兼有嘅多用途性。[9]
16世紀，日耳曼長劍Doppelhänder （依家改稱Zweihänder，意思係使用雙手）終止咗劍嘅增長化傾向（主要係由於鎧甲嘅衰退以及輕火器嘅興起），中世紀早期盛行嘅單手劍再度流行。
從16世紀開始，歐洲地區逐漸發展出包括隨身劍、護手刺劍、籠手劍等多種劍型。
由於市民武裝權嘅普及，以及兵器製造成本降低，平民喺日常生活入面佩戴劍嘅比例持續提升。而喺日耳曼地區，由於武力係自由市唯一嘅自保力量，自中世紀晚期開始，為咗確保自由市嘅武裝力量充足，攜帶武裝係自由市公民嘅義務。唔願意攜帶武器嘅市民唔單止會失去投票權，更加可能導致罰款、監禁或者驅逐等處罰。喺一啲自由市入面，未備有武器嘅市民將無法結婚。由於日常生活入面無法輕鬆攜帶長柄武器或者弓弩火槍，一般市民只能夠攜帶刀劍出門。[10]
由於一般平民使用劍，主要係喺冇裝甲嘅防身同埋決鬥場合，加上一般平民唔會隨身攜帶盾牌，令到握劍手俾攻擊嘅可能性大幅提升，導致咗單手劍嘅護手出現咗大幅度嘅演進。
好多劍嘅護手開始喺原有嘅十字型護手增加額外嘅金屬支撐嚟保護使用者嘅手，一啲長劍都開始出現呢啲特徵。並且一啲比較偏向平民攜帶嘅劍開始出現例如好似西班牙偏向刺擊為主嘅"Espada Roper"，並且由中世紀單手劍演化而嚟比較偏向軍事用途嘅籠手劍都開始出現。
隨身劍（side sword）係現代研究者提出嘅分類概念，用嚟描述介於中世紀武裝劍同埋護手刺劍嘅兵器，擁有比較長嘅劍身同埋複雜式護手，仍然保持斬刺並用嘅特性。16世紀初誕生嘅護手禮劍嘅重量同單手劍差唔多，但係將劍身拉成長條狀，護手禮劍多數以刺擊為主，但係多數仍然保留足夠嘅斬擊同埋割擊能力，喺好多流派嘅護手禮劍技法入面都保有斬擊同埋割擊嘅技術。隨身劍同埋護手禮劍之間冇嚴格二分嘅界線，而係一種相對性嘅描述概念。
另外呢個時期仲有一種叫做戰爭禮劍（War Rapier），具有比較強斬割能力嘅亞類型，廣泛噉俾運用喺騎兵團或者各種軍隊入面使用。[11]
使用隨身劍、護手禮劍以及籠手劍呢類有住先進護手保護嘅劍，令用劍嘅人唔需要一直留意保護握劍嘅手，同時期記錄嘅用劍方法都利用咗呢個改變，改用咗更加侵略式，將手伸到身前嘅準備姿勢。
嗰個時期係劍最普及，地位最高，近戰格鬥入面效果最好嘅時期，同時，劍喺戰爭入面嘅決定作用都隨著科技進步而衰退。不過，劍依然係普通人防身嘅最佳選擇。
近代
編輯近代嗰陣西方嘅劍演變做包括spadroon以及小劍等多種類型。
喺17世紀中期到18世紀，護手禮劍演變做短細並且失去劈砍能力嘅小劍（Small Sword），喺演變階段嘅過渡劍型叫做「轉換期護手禮劍(transitional rapier)」，佢哋可能具有護手禮劍嘅長度，但係缺乏劍刃；或者係小劍嘅長度，但係保留斬割能力，以及其他可能嘅設計。[12]
小劍喺18~19世紀嗰陣成為決鬥同埋防身為主嘅武器，較短嘅佩劍開始風靡成個歐洲，成為紳士同埋軍官嘅首選配飾。多數軍人喺戰場上面會配備籠手劍或者隨身劍，但係都有唔少軍官會選擇小劍作為戰場兵器使用。同時，仲有一種俾叫做spadroon嘅輕量化斬刺兩用劍，喺戰場俾人使用。喺拿破崙戰爭及其後，由於籠手劍同埋軍刀嘅盛行，一度引起英國老派軍官嘅不滿，威靈頓公爵就曾經喺私人書信入面抱怨，年輕軍官追求時尚嘅兵器，低估咗輕快而致命嘅老派武器小劍。[13]
19世紀晚期，西方嘅劍演變成儀式武器或者擊劍運動入面用到嘅武器之一。然而直到一戰時期，都仍然有壕溝戰使用各式配劍交戰嘅少量記錄。
喺殖民主義時代歐洲人開始俾「佩劍」加上弧度，叫做saber（軍刀或者馬刀）仍然俾定義為劍嘅分支。
喺劍退出時尚嘅行列之後，手杖代替咗佢嘅位置。例如，喺手杖入面隱藏嘅刀劍。法國武術la canne就係將藏有刀劍嘅手杖作為武器嘅。
劍喺即將退出歷史舞台嘅時候，扮演嘅角色從戰士身上退到平民嘅腰間，過去喺戰爭入面舉足輕重嘅地位已經俾火器替代。即使係作為個人嘅防身武器，劍喺19世紀初就已經完全失去優勢，而俾輕便嘅手槍替代。
一戰後嘅好長一段時間，劍都係部隊嘅必備裝備。但係到咗二戰時期，除咗肉搏戰入面會使用劍呢類嘅冷兵器，其他戰鬥都係由槍炮完成嘅。
依家，劍淨係出現喺軍隊指揮官嘅行軍服同埋正裝上面，或者係歐洲國家保留嘅重裝騎兵嘅裝備入面，主要作為儀式典禮嘅用途。
南亞
編輯東南亞
編輯種類
編輯
結構
編輯
最基本嘅劍法延續咗數千年都冇改變過，但係劍術就因為時代同埋地域而改變。神話、小說同埋現實入面嘅好多名劍展現咗劍喺嗰時極高嘅地位。一把劍通常由「劍身」同埋「劍柄」兩部分組成。劍身包括前段、中段、後段，前段為首。中段分為身、脊、縱。後段分為末、鋒、尖。劍柄分為劍顎、護手、莖環、莖。劍首可以分為環、後鼻。後鼻可以繫「劍穗」。「劍鞘」分為鞘口、護環、劍鞘、劍鏢四個部分，可以套喺劍身上，有保護劍身同埋方便攜帶嘅作用。劍喺收納嘅時候通常有製作精美嘅「劍衣」嚟保護存放。
劍身
編輯劍可以做出三種攻擊：砍、割同埋刺。細分有二十種使用法：錯、掛、攢、劈、沉、弸、斬、撥、截、刺、削、砍、戳、摸、撩、纏、拋、托、剪、挑、欄[14]。劍刃有單刃同埋雙刃之分（西洋劍），仲包括後嚟嘅劍尖雙刃嘅單刃直型佩劍。
唔同嘅劍有唔同嘅劍術，簡單嚟講，長劍或者係劍嘅中後部可以用嚟割或者直擊，而短劍或者劍鋒用嚟反手擊。有啲劍可以通過手嘅位置進行長劍同埋短劍嘅轉變。
劍刃上面嘅血槽可以減輕重量但係唔減強度同埋硬度，同工字鐵嘅原理相似。劍總係向劍鋒漸細，鋒利嘅尖端可以用嚟刺。
劍柄
編輯劍柄係同劍刃連埋一齊並且可以俾人操縱劍嘅部分，包括咗把手、劍尾圓頭同埋護手（護手喺中國叫做格），護手可以係一字型、十字型（西洋劍）或者係半圓型（佩劍）嘅。劍尾圓頭淨係喺西洋劍入面出現，可以增強平衡性，中式劍入面只有一個帶環嘅鈍頭，可以用嚟繫劍穗。
柄腳就係劍刃包裹喺劍柄內面嘅部分。
劍鞘
編輯劍鞘主要係用嚟保護劍刃。喺人類歷史入面，劍鞘曾經用皮革、木材、以及銅鐵等金屬材料充當。劍刃進入鞘嘅地方叫做鞘口，呢一部分比劍鞘本體要寬，方盒狀，上面有個細環或者圓扣方便攜帶。皮革劍鞘喺保護劍端部分通常使用金屬或者金屬環包裹，以免劍鞘俾穿通。
文化
編輯喺東方同埋西方文明入面，劍都係一種地位比較高嘅武器。喺中國古代，劍俾叫做「百兵之君」[未記出處或冇根據]，武術入面有「百日刀，千日槍，萬日劍」[15]嘅講法。劍都成日俾當做一種高貴嘅裝飾品，通常唔單止係練武嘅人，從帝王到士人都習慣佩劍嚟顯示身份。此外，劍都俾當做一種儀式道具，比如喺中國道教儀式入面，劍成日俾作為一種降伏妖魔嘅法器[16]。喺歐洲，劍俾用於冊封爵士同埋騎士，呢個習慣一直流傳到今日。
劍係軍事榮譽嘅象徵，都代表自由以及力量。《新約聖經》曾經用劍代表上帝嘅話（希伯來書四章十二節）。喺神話、文學或者歷史入面見到嘅好多劍嘅名可以反映武器以及擁有者嘅威望[17]。
傳說同神話
編輯
道教嘅好多神仙就同劍有關，例如玄天上帝[20]或者純陽帝君（呂洞賓），佛教嘅不動明王同埋文殊菩薩都有揸劍[21][22]，象徵智慧，叫做焰劍，其餘護法神揸劍嘅都數唔晒。
喺武俠小說及電影入面成日出現劍，用劍嘅技巧可能係實際有效嘅，亦都有可能係超自然嘅[23]。搵劍或者類似主題嘅過程都可能係小說或者電影嘅主要劇情之一。例如李安嘅電影《臥虎藏龍》佢嘅主題之一就係搵返俾人偷走咗嘅「青冥劍」。
睇埋
編輯註釋
編輯- ↑ 〈劍史〉。Chinesesword.net。原著喺2014-01-06歸檔。喺2014-04-10搵到。
{{cite web}}: Unknown parameter|deadurl=ignored (|url-status=suggested) (help) - ↑ 《荀子》議兵篇：魏氏之武卒，以度取之，衣三屬之甲，操十二石之弩，負服矢五十個，置戈其上，冠冑帶劍，贏三日之糧，日中而趨百里。
- ↑ 《中國古代兵器論叢》，116-120頁
- ↑ 《史記》《范雎列傳》昭王曰：吾聞楚之鐵劍利而倡優拙。夫鐵劍利則士勇，倡優拙則思慮遠。夫以遠思慮而御勇士，吾恐楚之圖秦也。
- ↑ 《中國古代兵器論叢》，121頁
- ↑ 6.0 6.1 鍾少異 (1998年)。〈漢式鐵劍綜論〉。《考古學報》 (第1期): 35-60頁。
- ↑ 《中國古代兵器論叢》，121-124頁
- ↑ 岡安光彥 (2007年)。《軍事考古學的に見た壬申の乱 日本考古学協会総会第73回総会-研究発表要旨》。日本考古学協会。頁 54頁。
- ↑ Lindholm, David (2007). The Scandinavian Baltic Crusades 1100–1500. Osprey Publishing. p. 178. ISBN 1-84176-988-6.
{{cite book}}: Unknown parameter|coauthor=ignored (|author=suggested) (help) - ↑ B ANN TLUSTY (2011年11月). The Martial Ethic in Early Modern Germany: Civic Duty and the Right of Arms. Palgrave Macmillan. ISBN 978-1349366477. 原著喺2021-08-19歸檔. 喺2021-08-19搵到.
- ↑ Nathan Clough. "BROAD-BLADED RAPIERS: SWORDS OF WAR". Arms & Armors. 原著喺2021-08-19歸檔. 喺2021-08-19搵到.
- ↑ "Transitional Rapier". Transitional Rapier, c. 1660 - Art Institute of Chicago. 原著喺2021-08-19歸檔. 喺2021-08-19搵到.
- ↑ "The Duke of Wellington on the Supremacy of the Smallsword". The Smallsword Project. 原著喺2021-08-19歸檔. 喺2021-08-19搵到.
- ↑ 〈劍術用法二十字〉 (中文)。原著喺2016-03-04歸檔。喺2014-09-28搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈太極槍之我見〉。原著喺2016-03-04歸檔。喺2014-09-28搵到。
- ↑ 〈論道教嘅法劍〉。原著喺2016-03-05歸檔。喺2014-09-28搵到。
- ↑ Cirlot, Juan Eduardo (2002). A Dictionary of Symbols. Courier Dover Publications. pp. 323–325. ISBN 0-486-42523-1.
- ↑ Roy Schafer (1 January 1997). Tradition and Change in Psychoanalysis. Karnac Books. pp. 239–. ISBN 978-1-85575-155-2.
- ↑ Werner, E. T. C. (1922). Myths & Legends of China. New York: George G. Harrap & Co. Ltd. 原著喺2007-03-11歸檔. 喺2007-03-14搵到.(Project Gutenberg eText 15250)
- ↑ 〈北極星崇拜－玄天上帝〉。原著喺2015-01-08歸檔。喺2014-09-28搵到。
- ↑ 全佛文化事業公司編輯部 (2003)。《不動明王 除障守護主》。Buddhall Cultural / 全佛。頁 94–。ISBN 978-957-2031-29-2。
- ↑ 〈大智文殊菩薩〉。原著喺2014-12-26歸檔。喺2014-09-28搵到。
- ↑ Liu 1967, p. 130
- ↑ 姜佩君 (2007-10-30)。《《澎湖民間故事研究》》 (臺灣中文)。臺灣：里仁書局出版社。ISBN 9789867908896。
參考資料
編輯- 《中國古代兵器論叢》，楊泓著，中國社會科學出版社，2007年出版
出面網頁
編輯