加拿大最高法院

加拿大最高法院（英文：Supreme Court of Canada；法文：Cour Suprême du Canada）係加拿大司法系統裏面最高級嘅法院，亦係加拿大國內所有民事同刑事案件（包括涉及省級法律同埋市級附例嘅案件）嘅終審法庭。

加拿大最高法院

加拿大最高法院由9位大法官組成。法律規定，其中3位大法官必須出自魁北克，因為魁北克係全加拿大唯一通行歐陸法系嘅省份。

加拿大最高法院擁有對加拿大憲法嘅最終解釋權，可以宣佈任何法律或者政策違憲。