勇氣號步兵坦克

勇氣號步兵坦克（A38），係一種僅僅進行到原型車階段嘅英國二戰坦克設計，設計嘅目的係滿足遠東地區對輕量而且裝甲厚實嘅戰車嘅需求，但係最後發現設計不切實際，又唔安全，所以無採用到。響1943年曾經有計劃研發安裝改進型傳動同隕石引擎嘅「勇氣II號」，但係之後不了了之。

現藏於博文頓坦克博物館嘅勇氣號坦克

現存唯一嘅一架勇氣號坦克最初係由坦克技術學院保存，以「警示後來嘅學生」，家陣由博文頓坦克博物館收藏。

設計同研發

勇氣號坦克最初設計嘅要求係作為一款響遠東用嘅攻擊坦克，喺盡可能低嘅重量之下擁有厚嘅裝甲。呢種設計同A33奮進號相似，只不過輕好多。勇氣號最終達到了要求，前裝甲有114mm厚並且只重27噸，但係性能大打折扣。

勇氣號坦克喺1945年5月進行測試，喺第一日就不斷有小問題：駕駛員要用盡全力先至操作到轉向桿，同時用腳剎同變速桿嗰陣有受傷嘅風險，重量分佈上都有問題，離地間隙只有9英寸；加上戰爭結束，呢款坦克失去咗繼續存在嘅價值，所以負責嘅官員最終決定停止勇氣號坦克項目。