遠東（英文：Far East；日文：極東；韓文：극동）係一個歐洲中心論嘅地理概念。從前一啲歐洲人當歐洲做中心，東南歐、非洲東北做「近東」，西亞附近做「中東」，而更遠嘅係「遠東」。後嚟原嚟嘅中東同埋近東夾埋叫「中近東」。而家有時「中東」指嘅係「中近東」。同理，西方國家俾中國古人叫做「泰西」。
遠東一般包括今日嘅東亞（包括俄羅斯嘅東部—西伯利亞）、東南亞同埋南亞，即係阿富汗、哈薩克以東（唔包）、澳洲以北（唔包）、太平洋以西、北冰洋以南嘅地區。
