匯賢產業信託（港交所：87001）係一隻由長江實業分拆嘅房地產信託基金，亦係香港第一隻用人民幣計價喺香港交易所上市嘅產品。
匯賢產業信託持有嘅主要資產係北京東方廣場，包括東方君悅大酒店、東方新天地商場、東方經貿城寫字樓同埋東方豪庭服務式公寓嘅土地使用權。
匯賢產業信託喺2011年4月11號開始公開招股，本來嘅股東諗住賣出40%權益，集資金額介乎104.8億至111.6億元人民幣。匯賢產業信託最後以招股價範圍下限5.24元定價，喺4月29號上咗市。
