平均律

平均律（英文：equal temperament）喺音樂係指將一個八度分做若干等分，係而今一般嘅做法，喺西方音樂通常分 12 等分（對應西方傳統嘅 12 個半音，叫十二平均律）。平均律可以話係一種妥協，好處係是但一編樂章，用同一件樂器，可以用是但一個音階彈，聽落都一樣同大致正常，唔好處係技術上可能會走音，因為例如喺西方嘅傳統音階裏面，每個音嘅音高其實並唔係平均分佈。

十二平均律

一個八度嘅基音頻率係 $1:2$係唔同音高但有最多相同頻率嘅泛音，所以聽起嚟最似，人會覺得係同一個音。而喺十二平均律就係喺一個八度內，平均分做十二個音。如果do嘅頻率係 $1$，高 $12$ 個音就係高音do，頻率就係 $2$，即係 $x^{12}=2$，所以每高一個音，佢嘅頻率就乘咗 $x=2^{\frac {1}{12}}$。