十才子書
大清時書商所用才子書排名
(由十大才子書跳轉過嚟)
十才子書，係十本才子書嘅代稱，喺大清時啲書商為咗啲書嘅排名而相互爭鋒，至後排出咗十本喺榜首，呢十本夾埋一齊出嘅時候就用咗呢個做新嘅書名，甚至乎取代埋各自獨立嘅原名。
一覽
編輯呢度至後排名前十嘅十本書分別係：第一才子書三國演義、第二才子書好逑傳、第三才子書玉嬌梨、第四才子書平山冷燕、第五才子書水滸傳、第六才子書西廂記、第七才子書琵琶記、第八才子書花箋記、第九才子書捉鬼傳、第十才子書駐春園 。
著評人
編輯- 第一才子書三國演義，元末羅貫中著。清初毛宗崗評點。
- 第二才子書好逑傳，又叫俠義風月傳、新俠義好逑傳，作者搵唔返真人。係由清初名教中人，即華陽散人編次，遊方外客批閲。
- 第三才子書玉嬌梨，又叫雙美奇緣，作者搵唔返真人。明末清初由荑荻散人，即荻岸山人、荻岸散人編次，天花藏主人評點批註。
- 第四才子書平山冷燕，年代係喺清初，作者搵唔返真人。由荻岸山人編次，天花藏主人評點批註。
- 第五才子書水滸傳，喺元末明初施耐庵所寫。金聖嘆評點批註。
- 第六才子書西廂記，喺元時王實甫所寫。金聖嘆評點批註。
- 第七才子書琵琶記，喺元時高明所寫。明末清初毛綸評點批註。
- 第八才子書花箋記，喺明末清初，作者搵唔返真人。靜淨齋主人鍾戴蒼評點批註。
- 第九才子書捉鬼傳，又叫平鬼傳、鍾馗捉鬼傳 ，作者搵唔返真人。喺清初由樵雲山人編次。
- 第十才子書駐春園，又叫雙美緣，作者搵唔返真人。喺清中葉由吳航野客編次，水箬散人評點批註。