升level (術語)
(由升le跳轉過嚟)
升level[註 1]（粵拼：sing1 le1 fou2；英文：level up）係個角色扮演電子遊戲常見嘅元素，即係等級提升[註 2]（簡稱：升級），簡稱升le[註 3]（粵拼：sing1 le1）；「升le」又寫作升呢或升咧[註 4]。上述兩個詞語喺香港後生一輩之中尤其流行，le亦可以用嚟獨立組詞及組句；虛擬角色之等級有可能喺其中層層遞退嘅作品唔多[註 5]，因此好少有人講降level／降le／降呢／降哩（英文：level down）。
升le嘅情況
編輯通常喺MMORPG入面都係有等級嘅，而有經驗值先升到le嘅。MMORPG有啲版面都會騷重有幾多先升到le，大部分都會用百分比。但係有啲MMORPG都冇等級，好似Furcadia等。同時，升le都解做喺其他小遊戲，好似泡泡龍噉，完成一個等級嘅要求而改變遊戲版面，進入另一階段。噉樣嘅升le同經驗值冇關係，但係都係升le嘅一種。
相關概念
編輯等級上限
編輯等級上限（level cap）指一個角色嘅最大可能等級。好似係喺寵物小精靈裏面，一隻精靈嘅最大可能等級係 100，當一隻精靈到咗呢個等級就冇得再升。
轉生
編輯轉生（regeneration）：係一個用戶達到最大可能等級之後可以做嘅一個動作；呢個動作會重設佢嘅用戶等級，而每次佢轉生，佢都會得到某啲新功能。
例
編輯呢個詞嘅用法係噉：
- 你近排（喺 game 入面）有冇升到「le」？= 近期（你個角色響遊戲度）有冇升級呀？
- 好嘢！我升咗「le」喇！= 太好喇！我（個角色響遊戲度）升咗級喇！
- 你（個遊戲角色）幾多「le」呀？
雜項
編輯曾蔭權試過喺提及關乎後生人口嘅政治類言論之中用到「升呢」；似乎涉及修辭考慮。[1]