喺數論中，半完全數（又或者叫半完美數、偽完全數、偽完美數）係完全數嘅推廣。如果一個正整數自身嘅全部或者一部分真因數嘅和等於個數自己，就叫做半完全數。顯然，所有完全數都係半完全數，半完全數無可能係虧數。一部分過剩數係半完全數。唔係半完全數嘅過剩數叫做奇異數。
頭幾個半完全數係：
同過剩數相似，半完全數嘅倍數都仲係半完全數。另外，所有形式為2mp嘅正整數都係半完全數，其中m係正整數，p係一個質數，並且p < 2m + 1。最細嘅奇半完全數係945。
如果一個半完全數唔能夠被任何一個比佢細嘅半完全數整除，咁就稱爲一個本原半完全數。
