半質數

半質數（英文：semiprime），又叫雙素數，二次殆素數，係兩個質數嘅乘積所得嘅自然數。開始嘅幾個半素數係4、6、9、10、14、15、21、22、25、26…（OEIS數列A001358）佢哋同埋自己在內合共有3或4個因數，視乎佢係咪平方數。

半素數喺密碼學同數論中非常有用，最顯著嘅例子係密碼學入面嘅公鑰（例如RSA加密演算法）同隨機數產生器。主要嘅基本原理係利用呢個類數與生俱來嘅難以進行因數分解（至少係依家），而且跟著數字嘅增長難度增加。簡單嚟講，35就好容易被分解成5×7，但如果要分解好大嘅半素數就唔係咁容易啦，RSA加密演算法中有一個叫做RSA-2048嘅半素數，有2,048位元，十進位有617位，RSA曾經公開懸紅200,000美元，畀成功將RSA-2048因數分解嘅人，直至2007年活動完結，都未有人挑戰成功攞到獎金^[1]。