南北共同連絡事務所

南北共同連絡事務所（韓文：남북공동연락사무소，北韓叫北南共同連絡事務所），又譯兩韓聯絡辦公室，係大韓民國（南韓）同朝鮮民主主義人民共和國（北韓）喺開城工業區設立嘅聯絡辦事處，2018至2020年運作。由於南韓同北韓冇正式外交關係，呢個連絡事務所實際上有非正式大使館嘅作用。

事務所嘅前身係2005年起樓、2008年啓用嘅「南北交流協力協議事務所」（韓文：남북교류협력협의사무소）。2018年4月，兩韓政府簽訂《板門店宣言》希望促進和平友好，宣言當中決定喺開城工業區成立兩韓聯絡辦公室，將南北交流協力協議事務所大樓改裝成南北共同連絡事務所。南韓同北韓政府都有派人駐守事務所。

2020年1月，事務所因爲武漢肺炎大流行而暫時停業。2020年6月，北韓方面話南韓政府縱容脫北者批評北韓，因此廢除南北共同連絡事務所，重炸埋事務所嘅大樓。