開城工業地區

開城工業地區（韓文：개성공업지구）係朝鮮民主主義人民共和國（北韓）南面一區，由開城特級市同板門郡合成，模仿中國深圳經濟特區，大搞工業。

開城工業地區

開城工業地區嘅位置喺南北韓非軍事區以北大約10公里。呢個經濟特區喺2002年規劃，2003年開業，有鐵路同公路連接大韓民國首都首爾，一個鐘車程就到。工業地區佔地65平方公里，設計最多可以容納70萬人喺度開工。

2013年鼎盛嘅時候有123間南韓公司喺開城工業地區做生意，聘請大約5萬3000北韓人同800韓國人。

2016年，由於北韓嘅軍事挑釁，南韓方面決定停止參與開城工業地區嘅合作，即日叫所有喺開城嘅韓國人撤走。

2018年，南北共同連絡事務所喺開城工業地區開張，希望聯繫南北韓友好。2020年6月，南北韓局勢又緊張，北韓炸咗開城嘅南北聯絡辦公室大樓。