南子

南子（—前480年）係衞國公姬元老婆，出名靚女，好政治，又好男人。南子原本為宋國公主。衞強而宋強，宋送南子去衞國。之不過姬元實情好男色，而任南子去同男人私通。

姬元唔中意姬戌。姬戌又唔中意南子干政，想剷除南子。南子就同姬元講，姬戌要叛變，姬戌出走。

宋國公子子朝，非常靚仔，來到䘙國做大夫，受姬元所寵。子朝私通姬元亞媽宣姜，又私通南子。南子亦中意子朝。然而，子朝同齊豹、北宮喜、褚師圃亂，趕咗姬元出衞國，而姬元又復返，子朝逃亡到晉國。然而南子掛住子朝而不樂，姬元又召子朝返來。

南子生咗仔，叫姬蒯聵。姬元照立佢為太子。姬蒯聵有次出使齊國，回程之過宋國，聽到有人唱「既定爾婁豬，盍歸吾艾豭？」婁豬指南子係豬乸淫亂，艾豭指子朝靚豬公。滿足咗豬乸，做乜唔還返靚豬公來。姬蒯聵聽到好嬲，想殺咗亞媽。

姬蒯聵命家臣戲陽速殺南子，喺個飲宴上，戲陽速遲疑，同姬蒯聵行為古怪。南子知道個仔要殺佢，於是乎同姬元講。姬蒯聵事敗出走晉國。

姬元死前，要姬郢繼位。姬郢唔敢，推說姬蒯聵個仔姬輒，重喺衞國。於是乎姬輒繼位。姬蒯聵聯同渾良夫返國奪位，姬輒出走，而南子就被殺。

孔丘編輯

南子係好政治，成日見啲有才識嘅人。孔丘離開魯國，入咗衞國，當時已經好出名。南子想同佢見面，之不過南子淫亂個名太壞，孔丘唔敢見佢。有次孔丘真係去見南子，而無預先話畀子路聽。子路知道佢去見南子，好嬲。孔丘發誓佢乜都無做過。