想搵第二個意思嘅話,請睇公 (搞清楚)

粵拼gung1),又叫雄性粵拼hung4 sing3),係講有性生物,佢係放出細同識郁嘅生殖細胞嗰一方,可以令到嘅生殖細胞受孕。要繁殖,公係唔可以少咗乸。

定義 編輯

 
一隻開緊屏嘅雄性孔雀
睇埋:精子配子

生物學上,可以以配子定義,係繁殖過程當中供應精子(細粒啲嘅配子)嗰一方。

特徵 編輯

 
呢幅相影到一隻公。
 
一隻大咗肚嘅海馬公;海馬交配嗰陣隻乸會將卵子交畀隻公嚟陀。

動物界,啲公成日都會為咗交配競爭

查理斯·達爾文發覺近乎一切嘅動物物種都有一種情況:公硬係會性慾強過,會為咗爭奪同啲乸交配嘅權利而打交,或者以其他方式競爭[1]。例如好多物種嘅甲蟲都係啲公有角而啲乸冇角,公彼此之間會用角打交,打贏咗嘅就有權同啲乸交配。噉嘅情況喺好多種魚類雀鳥以至哺乳類當中都可以觀察得到。

喺 1948 年,有生物學家做咗一場實驗:佢哋發覺一隻果蠅公嘅配偶數量愈多,生到嘅後代嘅數量就愈多;相比之下,乸就冇噉嘅情況—就算一隻乸有好多配偶,佢生到嘅後代嘅數量都唔會點升。首先,思考公同乸嘅生物本質—乸嘅配子(卵子)明顯大粒過公嘅(精子),噉就表示對於身體嚟講,生產卵子(同生產精子比起嚟)消耗嘅資源更多,而且喺多種動物裡邊,乸要花好多時間陀仔(例如人類生仔就要陀九至十個月咁耐),陀仔期間隻乸冇得繁殖;相比之下,公生產後代嘅能力唔受呢種限制。因此,公比較有誘因靠住「盡力搵乸交配,交配次數要有咁多得咁多」嘅策略嚟行動,自然會進化到性慾強,鍾意同好多唔同伴侶交配[1]

睇埋 編輯

參考 編輯

以下係呢篇文引用咗嘅學術文獻或者網頁

  1. 1.0 1.1 Brown, G. R., Laland, K. N., & Mulder, M. B. (2009). Bateman's principles and human sex roles. Trends in ecology & evolution, 24(6), 297-304.