卡爾六世

卡爾六世（Karl VI，1685年10月1號—1740年10月20號）係神聖羅馬帝國皇帝、波希米亞王、匈牙利王、克羅地亞王、塞爾維亞王，同埋奧地利大公（卡爾三世），1711年到1740年在位。喺西班牙王位繼承戰爭期間，佢爭過做西班牙王，稱為「卡洛斯三世」（Carlos III）。佢亦係哈布斯堡王朝最後一位男性成員。

卡爾六世

佢喺1711年繼承阿哥約瑟夫一世啲位之後，一直都冇男繼承人。1713年佢發表國事詔書，將佢自己可能有嘅女嘅繼承權，排得高過約瑟夫一世嘅兩個女。喺往後廿幾年，佢一直爭取歐洲各地接受呢份國事詔書，期間佢哋提出唔同要求，包括廢除奧屬尼德蘭嘅貿易公司奧斯坦德公司等等。

卡爾六世喺1740年駕崩。佢所生嘅一仔三女之中，只係得兩個女瑪利亞杜麗莎同埋瑪利亞安娜重喺度，卡爾六世最終由瑪利亞杜麗莎繼承。冇耐法國、普魯士等國反口唔承認國事詔書，爆發咗持續八年嘅奧地利繼承戰爭。