西班牙王位繼承戰爭係歐洲18世紀頭嘅戰爭，由1701年打到1714年，起因係西班牙哈布斯堡王朝卡洛斯二世絕嗣，令法蘭西王國嘅路易十四同神聖羅馬帝國嘅利奧波德一世為咗爭王位而打起嚟，好多歐洲國都打埋一份。最後法國波旁王朝嘅菲臘五世獲承認為西班牙王，不過佢同佢嘅後人要放棄法國王位繼承權。
