原田淑人
原田淑人（1885年4月5號—1974年12月23號）係日本嘅考古學家，北京大學教授（1930年）、東京大學教授（1938年）、文學博士（1939年），有「日本近代東洋考古學之父」嘅稱號。
| 原田淑人 | |
|---|---|
| 出世 | 1885年4月5號 日本東京 |
| 死 | 1974年12月23號（89歲） 日本東京 |
| 國籍 | 日本 |
| 職業 | 東京大學教授 日本考古學會會長 |
底細
編輯原田淑人喺日本東京都出世，阿爸係漢學家，佢細蚊仔時受漢學嘅深厚熏陶。1904年考入東京帝國大學文科大學（而家東京大學文學部）史學科，喺度跟東洋史學嘅創始人白鳥庫吉等史學家學嘢，受到一連串正規同嚴格嘅史學教育。1908年攞到學士學位後，入東京帝國大學文科大學史學科東洋史學專修科深造，專攻中國嘅風俗史同服飾史。喺大學院（好似中國嘅大學研究院噉樣）研究時期，由於學習用功過猛，眼生疾病，產生文獻研究困難，轉而從事考古學研究。攞到學位後做過東京帝國大學講師。1924年渠過朝鮮做考古調查同發掘。1925年後，喺中國參加「東亞考古學會」嘅活動，1930年做過北京大學教授。1938年佢返返日本。前後做過東京帝國大學、聖心女子大學、東洋女子大學教授同早稻田大學大學院講師。做過日本考古學會會長，1943年佢曾經俾人選做帝國學士院（即係而家日本學士院）會員（院士）。1974年喺東京病逝。
出名著述
編輯- 東亞古文化研究（1940年）
- 正倉院玻璃容器嘅研究（1948年）
- 日本考古學入門（1950年）
- 東亞古文化論考（1962年）
- 古代人嘅化粧同裝身具（1963年）
- 漢六朝嘅服飾（1967年）
- 唐代嘅服飾（1970年）
- 考古漫筆（1970年）
- 東亞古文化説苑（1973年）
參考
編輯- 原田正己：「原田淑人」，『東洋学嘅系譜』第二集第127-138頁，1994年。