反修例運動期間嘅警察詐騙公帑爭議
喺香港反修例運動期間，有啲香港警察因應社會上嘅大規模示威，需要超時工作，但有啲警察就喺申報超時工作嘅過程入面，虛報時數，欺騙公帑，涉及油尖，沙田等多個警區，警察之後進行內部紀律聆訊同調查，繼而起訴咗部份人[1][2]。
部分例子
編輯- 2021年7月，港人講地同AM730等媒體報道，駐守油尖警區尖沙咀警署嘅一名警長級人員同一名警員，懷疑喺反修例風波期間詐騙超時工作津貼同補假被查[3][4]。
- 已經退休嘅沙田警區助理分區指揮官葉春榮總督察（行政），因為虛報時數，聲稱自己開OT，但就被上司揭發缺勤。之後佢被被控一項在公職中行為失當罪，同埋7項代理人使用文件意圖欺騙其主事人嘅交替性控罪。葉春榮喺2023年12月否認控罪但就唔爭議曾經申請超時津貼，案件去到2024年7月再審。開審期間，佢嘅上司同下屬都有擔任控方證人。葉春榮喺申請超時工作津貼嘅時候話自己有參與一啲保衛警署嘅工作，但被控方證人指喺有關行動入面實則入面無角色，又被指並唔關心初級警員嘅士氣[5][6][7][8][9][10][11]。
- 事件引起一啲網民討論，批評點解就連總督察都要呃OT錢[12]。
警方回應
編輯香港警察回應話，非常重視人員嘅操守，任何人員干犯違法行為，一定會按既定機制調查[6]。
參考來源
編輯- ↑ 〈兩警員涉反修例期間騙取OT及補假 正休假接受紀律調查〉。《大紀元時報 香港｜獨立敢言的良心媒體》 (香港中文)。2021-07-20。喺2024-07-31搵到。
- ↑ 〈尖沙咀警署兩警員涉反修例期間呃OT 正接受內部調查〉。《經濟一週》 (中文)。2021-07-20。喺2024-07-31搵到。
- ↑ Speakout-港人講地。〈【害群之馬】2名警員涉反修例風波期間騙OT及補假被查〉。www.speakout.hk (英文)。喺2024-08-08搵到。
- ↑ 〈尖沙咀警署兩警員涉反修例期間呃OT 正接受內部調查〉。2021-07-20。
{{cite web}}: CS1 maint: url-status (link) - ↑ 劉安琪 (2024-07-24)。〈總督察涉騙社運OT津貼 警員指上司曾稱被告個案有幾多claim幾多〉。《香港01》 (香港中文)。喺2024-07-29搵到。
- ↑ 6.0 6.1 〈退休總督察涉反修例期間騙超時津貼 被告擬不認罪候審 官准改保釋條件可離港 - 法庭線 The Witness〉 (美國英文)。2023-12-21。喺2024-07-29搵到。
- ↑ 〈退休警涉呃OT津貼 上司指發現被告不在警署 懷疑他無故缺勤並作調查 | 獨媒報導〉。《獨立媒體》。2024-07-25。喺2024-07-31搵到。
- ↑ 〈總督察涉反修例期間「呃OT」 同僚稱被告無保衛警署、無出席早會 (14:14) - 20240725 - 港聞〉。《明報新聞網 - 即時新聞 instant news》 (繁體中文)。喺2024-07-31搵到。
- ↑ i-Cable (2023-06-06)。〈修例風波期間涉騙4.6萬元OT津貼 退休警被控公職人員失當等8罪〉。《有線寬頻 i-CABLE》 (香港中文)。喺2024-08-08搵到。
- ↑ 〈退休總督察涉呃OT津貼被控8罪 同袍供稱發覺過往申請紀錄有問題〉。《on.cc東網》 (香港中文)。2024-07-25。喺2024-09-29搵到。
- ↑ 〈退休警反修例事件期間涉詐騙OT津貼 涉款4.6萬元 被控8罪周三提堂〉。
{{cite web}}: CS1 maint: url-status (link) - ↑ 〈退休總督察葉春榮涉反修例期間騙OT津貼 被告欲聘外籍大狀 獲〉。
{{cite web}}: CS1 maint: url-status (link)