反應停醜聞

反應停醜聞，為近代醫藥上一大醜聞，人為藥物大災難。發生喺二十世紀五十年代末到六十年代初，皆因反應停隻藥，亦即沙利度胺，搞到四十六國，上萬蘇蝦畸型，無數胎兒流產。西德藥廠格蘭泰以安眠藥，治理失眠、焦慮、緊張，以及害喜，亦即孕吐。不過藥廠未試清楚隻藥，對孕婦同胎兒有乜影響。西德有關當局，一九六一年十一月廿六號禁售，隨後世界其他地方跟住。

受害畸型

有孕後食咗反應停，生出來嘅蘇蝦

藥廠有對西德受害者賠錢、成立基金，但無承認責任，直至二〇一二年先至道歉。一九七〇年西德法庭判其無罪結案。到二十一世紀，德國以外仍有賠償訴訟。