囉囉攣（粵拼：lo1 lo1 lyun4）係種情緒或心理上產生嘅衝突，有時會有擔心同驚嘅感覺。囉囉攣可以喺特定嘅情況下發生，例如有屋企人好夜未返擔心佢出咗事，又或者係第二朝要考試搞到好緊張。但係亦都有可能係慣性或者普遍嘅一種感受。[1]囉囉攣有好多形式，有社交方面嘅，自我嘅，壓力嘅都可能會引起。囉囉攣有可能對身體帶嚟唔好嘅影響，例如呼吸急促、頭痛、心悸，失眠等等。
