反攻大陸
反攻大陸，又叫光復大陸、反共復國，係中華民國政府喺1949年播遷臺灣後到1990年代之前嘅軍事行動同政治主張，即係反攻第二次國共內戰後俾中國共產黨統治嘅中國大陸。
喺蔣中正同嚴家淦擔任中華民國總統嗰陣，反攻大陸係中華民國喺臺灣嘅重要國策之一。1970年代後，隨住臺灣同中國大陸嘅兩岸情勢減緩同國際情勢改變，反攻大陸嘅熱度逐漸消退。1980年6月，總統兼中國國民黨主席蔣經國提出「三民主義統一中國」嘅主張，以取代前總統蔣中正同嚴家淦時期嘅「反共復國」同埋「反攻大陸」嘅國策，而且順利成為中國國民黨第十二次全國代表大會嘅政治綱領。之後由三民主義統一中國大同盟等組織嘅具體落實。
1988年，蔣經國死咗之後由李登輝繼任總統，佢喺1991年開始廢除動員戡亂時期臨時條款、解散萬年國會，令臺灣邁向民主化階段。1996年3月23號，史上第一次正副總統選舉由人民投票。