古利亞親王國

古利亞親王國（格魯吉亞話：გურიის სამთავრო, Guriis samtavro）係格魯吉亞史上嘅一個政權。喺黑海同小高加索山脈之間，喺1460年代至1829年間由廿一位古利亞王室成員以今日格魯吉亞西南部嘅古利亞州為中心統治。親王國喺統一嘅格魯吉亞王國嘅解體過程中崛起，佢同鄰近嘅格魯吉亞諸邦同鄂圖曼帝國發生衝突，令領土時有變更。直到1829年俾俄羅斯帝國吞併前，佢一直有多多少少嘅自主權。