鄂圖曼帝國

鄂圖曼帝國（粵拼：ngok6 tou4 maan6 dai3 gwok3，鄂圖曼土耳其文：دولت عالیه عثمانیه；土耳其文：Osmanlı İmparatorluğu），又叫奧斯曼帝國（ou3 si1 maan6 dai3 gwok3）、奧托曼帝國（ou3 tok3 maan6 dai3 gwok3）同埋土耳其帝國（tou2 ji5 kei4 dai3 gwok3），係突厥人響1299年到1922年期間建立嘅帝國。立國嘅係鄂圖曼一世。鄂圖曼帝國由小亞細亞開始發展，最勁嗰陣勢力去到歐亞非三大洲，南歐、中東同北非都係佢管，國土西面去到直布羅陀海峽，東面就去到裏海同波斯灣，北面去到奧地利同斯洛文尼亞，南面就去到蘇丹、索馬里同也門。1453年鄂圖曼帝國滅咗東羅馬帝國，搬個首都到伊斯坦堡（前君士坦丁堡），話自己繼承羅馬帝國，加埋伊斯蘭文化，就可以融合到東西文明。奧斯曼帝國因為打輸咗第一次世界大戰而亡國。 最後都係最強大嘅帝國相比之下輸咗。

鄂圖曼帝國旗

奧斯曼帝國國徽

奧斯曼帝國最大嘅領土

奧斯曼帝國領土演變

歷史

開頭突厥人喺蒙古高原度住，並喺中國北方建立突厥汗國，之後去咗中亞建立塞爾柱帝國，再去到小亞細亞建立奧斯曼帝國。初頭唔係好勁，但係攻陷咗拜占庭帝國首都君士坦丁堡，同埋改名叫伊斯坦堡之後，就開始勁。奧斯曼帝國話自己係羅馬帝國嘅繼承國，重佔領埋南歐、巴爾幹半島、中東同北非大部份領土。

後來，奧斯曼帝國經歷過中興、滯止、改革、現代化，但都唔可以挽回滅亡嘅命運。

奧斯曼帝國係唯一一個中東同伊斯蘭國係可以抵抗歐洲列強嘅入侵，但係最後響19世紀初開始沒落。

輸咗第一次世界大戰之後，佢嘅領土俾協約國瓜分，引發土耳其國民運動。凱末爾帶領嘅土耳其獨立戰爭最終勝出，蘇丹穆罕默德六世被廢，奧斯曼帝國俾土耳其共和國繼承。

信仰

奧斯曼帝國國教係伊斯蘭教，畀咗好多優惠啲伊斯蘭教徒，但係都容納其他教徒。

文化

奧斯曼帝國吸收咗地中海、黑海嘅傳統、藝術同文化體系，重加入咗新元素。喺奧斯曼帝國，唔同嘅文化都有得傳承。

奧斯曼嘅建築受到波斯、拜占庭同伊斯蘭唔同建築風格嘅影響。

而奧斯曼土耳其語係土耳其語嘅變種，但亦受到波斯語同埋阿拉伯語嘅影響。

現代

土耳其共和國國旗

内文：土耳其

現今嘅奧斯曼帝國嘅繼承國係土耳其共和國，大致上保留咗一嘅奧斯曼文化，係小亞細亞一個算幾大嘅國。

出面網頁

• 土耳其的亚洲部分