可擴縮度

可擴縮度（粵拼：ho2 kwok3 suk1 dou6；英文：Scalability）係一個系統可以有嘅特性，如果話一個系統有高嘅可擴縮性，即係指個系統可以齋靠「俾多啲資源落去」就能夠應付到更多嘅工作。

舉個具體例子，想像家陣有間企業（系統），佢哋要攞貨車將啲貨送到客嘅手上：

• 想像一個理想化嘅世界，個系統完美可擴縮，就算啲客對貨嘅需求量突然升咗 n 倍，間企業都可以齋靠增加貨車嘅數量（俾多啲資源落去）就應付到嗮啲客嘅需求；
• 喺現實（唔理想化）嘅世界，間企業要面對諸多限制（可擴縮性有上限），例如佢淨係得 m 咁多間貨倉可以用（而因為第啲企業都喺度爭貨倉用，間企業冇得話增加貨倉就增加到），如果啲客對貨嘅需求量突然升咗 n 倍，間企業就算增加貨車數量，都會因為「想入間貨倉攞貨嘅工人多得滯，工作效率反而跌咗」等嘅原因，搞到應付工作嘅能力冇相應噉提升。

可擴縮性喺經濟學同管理學等嘅商學領域上頗受關注。

睇埋

• 報酬遞減
• 運算複雜性理論