史學方法

史學方法（英文：Historical method）^[1]係有關歷史研究嘅方法學，呢個係每名歷史研究工作者都要學嘅課程。佢係帶領一個研究者能夠正確掌握歷史研究嘅一個重要訓練，所以好多學術單位相當重視史學嘅方法。史學方法有一個特點，呢種訓練嘅方式往往都由哲學思想去引領，亦都因為呢個原因，哲學思想體系嘅境界，往往都會影響歷史研究嘅結果。史學方法嘅核心在於考証嘅學問，因為歷史嘅主旨在於實事求是，因此研究歷史必須建立喺真正嘅史料基礎上，噉樣嘅研究價值先有意義。