司法院，係中華民國最高嘅司法機關，佢嘅職權包括刑事訴訟審判、民事訴訟審判、行政訴訟審判同埋公務員懲戒。司法院總共有15個大法官，組成憲法法庭統一解釋法令、審理違反憲法嘅案件、總統副總統彈劾案同政黨違憲解散案。司法院掌管司法行政同埋司法預算，自己本身唔會行使審判權，而係交畀轄下嘅各級法院、行政法院、懲戒法院行使嗰啲權力。
司法院夾埋有十五個大法官，其中有兩個分別係院長（中文：中華民國司法院院長）同副院長（中文：中華民國司法院副院長），需要由總統提名並且要經過立法院嘅批准先得。
