立法院

立法院（粵拼：laap6 faat3 jyun6*2）係中華民國嘅最高立法機關，可以簡稱做立院。喺國民大會廢除咗之後，佢普遍都被認為係中華民國嘅國會。立法院嘅前身係民國初年立法機關嘅眾議院（1913年-1925年）。國民政府以恢復法統作為理由，1928年喺南京成立立法院。最初佢只不過係國民政府嘅附屬機關，1948年因為制憲國民大會通過《中華民國憲法》而脫離行政權，成為正式嘅議會機關。而家立法院係一院制議會，總共有113個席位。1992年立法院開始全面定期改選，現任嘅第十屆立法委員喺2020年2月1號宣誓就職，任期就去到2024年1月31號屆滿。

立法院
第十屆立法院
立法院院徽
種類
種類	一院制
領導
院長	游錫堃（ 民主進步黨） 由2020年2月1號
副院長	蔡其昌（ 民主進步黨） 由2016年2月1號
執政黨領袖	柯建銘（ 民主進步黨） 由2016年2月1號
在野黨領袖	曾銘宗（ 中國國民黨） 由2022年2月1號
	邱臣遠（ 台灣民眾黨） 由2021年2月1號
	邱顯智（ 時代力量） 由2020年2月1號
秘書長	林志嘉（ 台灣團結聯盟） 由2016年2月1號
結構
議員	113
政黨	執政黨團（63）   　  民主進步黨（61）   　  無黨籍（2） 同執政黨友好（2）   　  無黨籍（2） 在野黨團（48）   　  中國國民黨（39）   　  無黨籍（1）   　  台灣民眾黨（5）   　  時代力量（3）
委員會	一覽 內政委員會 外交及國防委員會 經濟委員會 財政委員會 教育及文化委員會 交通委員會 司法及法制委員會 社會福利及衛生環境委員會 程序委員會 紀律委員會 修憲委員會 經費稽核委員會
選舉
投票制度	單一選區兩票制： 73席係由單一選區制選出 34席係由名單比例代表制根據最大餘額法選出 6席係由不可轉移單票制選出
上屆選舉	2020年中華民國立法委員選舉
會議地點
中華民國臺北市中正區中山南路1號
網址
www.ly.gov.tw

立法院議場

中華民國行憲初期，根據孫中山嘅「五權憲法」理論，立法院祇有制定同修改法律、以及審查中央政府總預算等監督行政部門嘅權力，而變更領土、修改憲法、罷免正副總統等事關重大嘅權力，就由國民大會來行使。國民大會喺2005年由於修憲而畀人凍結咗之後，佢嘅所有職權都轉移晒去立法院，令到立法院成為中華民國唯一嘅最高立法機關。

立法院嘅成員叫立法委員，簡稱「立委」，通過單一選區兩票制選出。家陣嘅院長係民進黨嘅游錫堃。