晉懷帝司馬熾284年313年),字豐度,係西晉第三個皇帝,晉武帝司馬炎其中一個仔。

司馬熾

生平 編輯

司馬熾係喺晉朝立國之後出世,早期被封為豫章王。到晉惠帝司馬衷登基,爆發八王之亂,司馬熾原本擔任散騎常侍,但喺301年被廢。304年出任鎮北大將軍,同年俾司馬衷立為皇太弟。

307年司馬衷駕崩,司馬熾就登基即位。當時中原境內一啲少數民族開始建立自己嘅政權。311年匈奴人劉聰派兵攻入洛陽,晉懷帝逃走嗰陣被劉聰捉咗,史稱永嘉之亂。晉懷帝俾劉聰封為會稽公

313年,晉懷帝喺一次酒席上俾人命令幫人斟酒,有晉朝舊臣爆喊,令到劉聰反感,結果用毒酒毒殺司馬熾,享年30歲。之後司馬鄴喺長安登基做西晉皇帝,就係晉愍帝

屋企 編輯