合成詞處理（英文：compound-term processing）係指做資訊提取嗰陣「要考慮合成詞」呢個問題：一個詞位可能由多個詞幹組成，簡化講即係兩隻各有意思嘅字砌埋一齊，做一隻自成個新意思嘅字；例如英文入面 ice（冰）同 cream（忌廉）呢兩隻字都各有意思，砌埋一齊可以變成 ice cream（雪糕）呢個新意思[1]。
合成詞處理對資訊提取嚟講相當重要，例如如果用家喺搜尋器入面打 ice cream，個搜尋器唔可以將嗰兩隻字睇成獨立，而係需要當嗰兩隻字係一個意思噉睇，去搵雪糕嘅資訊，而唔係去搵冰同忌廉嘅資訊。
