詞位

喺語言學上，一個詞位ci4 wai2（英文：lexeme，似粵拼：lek1 sim4，粵音假借漢字：叻禪）指可以喺字典上面以條目方式出現嘅字，或者可以理解做概念上嘅字。

喺一啲語言，字可以發生詞形變化，包括時態、格等等嘅變化，除非變化太大，令人認唔出基本形態係乜，喺詞位上會全部唔理，因為爾啲變化喺概念上對字嘅意義完全無關。例如，英文入面現在式嘅 run、過去式嘅 ran 同現在分詞 running 都只係同一隻字嘅唔同型態，基本形態係不定詞 run，爾個基本形態就係詞位。又例如，芬蘭文可以喺字尾加 -ni 表示 ｢我嘅｣，例如 nimi 係 ｢名｣，nimeni 係 ｢我嘅名｣，字典唔會列出 nimeni 爾個字，因為佢只係詞形變化，詞位係名詞 nimi。

另一方面，望落一樣嘅字如果字義上毫無關係，可以視為唔同嘅詞位。例如，同樣係 throw，｢掉（deu6）｣ 嘅意思同 ｢拉坯｣ 嘅意思完全冇關係，字典嘅編輯可以揀將佢嘅當做兩個唔同嘅詞位處理。

睇埋

• Lexicon