吉澳天后宮
吉澳天后宮係香港一間天后廟，喺新界北區東北部嘅吉澳西澳村，依山而起。吉澳天后宮嘅落成年份已不可考，而廟裏面現存最古老嘅物件係一個刻住「乾隆二十八年」（即1763年）嘅銅鐘，間廟喺光緒元年（即1880年）同1968年重修過。天后宮正殿設有天后嘅神像，而左右兩邊就設有「順風耳」同「千里眼」護法神像。
廟門上奇怪地畫上一對外國人門神，由於以前啹喀兵幫廟宇翻新，唔小心將啲油漆打翻，遮蓋原本嘅門神，惟有半靠記憶半靠想像力，重新畫上，所以門神面相似外國人多過似中國人[1]。而安喺廟中嘅另一黃色對門上嘅財神手攞住菜，亦出自啹喀兵之手，原來佢哋以為財神嘅「財」係「菜」，就出現呢個版本；對門因日久開始霉爛至被換走，放咗入廟，所以遊客重可以見到呢對別具特色嘅門。
參考
編輯- ↑ 優哉遊 Joy：印洲塘尋六寶 鬼手 Say Hi 互聯網檔案館嘅歸檔，歸檔日期2016年12月30號，. 蘋果日報 (香港). 2012年1月21日.