吉祥路 (廣州越秀)

吉祥路（粵拼：gat1 coeng4 lou6）係中國廣東省廣州市入面嘅一條一般馬路，喺人民公園同埋中山紀念堂嘅東邊。南邊接住教育路同中山五路嘅交界位，一直向北去到應元路嗰頭。

吉祥路 JIXIANG LU

性質： 一般馬路 全長： 0.347公里 行車線： 雙向4車道 地區： 廣州市越秀區 起點： 教育路同中山五路 終點： 應元路 主要建築： 中山紀念堂 廣東省人民政府 人民公園

  呢篇文講越秀區入面嘅吉祥路。想搵南沙區入面嘅吉祥路嘅話，請睇吉祥路 (廣州南沙)。

  呢篇文講廣州市入面嘅吉祥路。想搵其他城市入面嘅吉祥路嘅話，請睇吉祥路。

  呢篇文講廣州市喺文革嗰陣嗌過「教育路」呢隻名嘅路。想搵喺文革嗰陣到依家為止，重嗌緊「教育路」呢隻名嘅路嘅話，請睇教育路 (廣州)。

  提示：呢篇文講嘅唔係吉祥道。

概要

全長943米，闊13米，雙向4車道。

史

其實呢條馬路喺清朝嗰陣，係由蓮塘街、洛成街、衛邊街同厚玉街呢四條街嚟組成嘅。而呢條馬路就喺1920年，廣州市政府就將呢條馬路整闊咗，嗌咗「蓮塘路」同「吉祥路」兩隻名。之後無耐就將兩條路嘅名合埋咗，嗌咗「吉祥路」呢隻名。喺文化大革命嗰陣，呢條馬路嗌過「教育北路」呢隻名。不過到咗1982年，呢條路就改返之前嗌過嘅名，啫係依家嗌「吉祥路」。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 教育路、中山五路
• 廣衛路
• 府前路
• 越華路
• 東風西路
• 應元路