開主選單

應元路粵拼jing3 jyun4 lou6)係中國廣東省廣州市入面嘅一條一般馬路,成條馬路係東西走向。西邊從解放北路開始,一直向東去到小北路嗰頭。

应元路
YINGYUAN ROAD
GZ rd sign L.svg Guangzhou rd middle.png GZ rd sign R.svg
應元路嘅路牌
應元路嘅路牌
性質: 一般馬路
全長: 1.381公里
行車線: 雙向2車道
地區: 廣州市越秀區
起點: 解放北路
終點: 小北路
主要建築: 廣州市第二中學
廣州三元宮
中山紀念堂
越秀山體育場
越秀公園南門
天津駐廣州辦事處
廣東省人民政府
越王井

概要

全長1381米,闊15米,雙向2車道。

歷史

其實呢條馬路喺1952年起嘅,由於舊時馬路有間「應元宮」同「應元書院」響度先至改咗噉嘅名。喺1995年之前,呢條馬路凈係去到吉祥路嗰頭,到咗1995年,廣州市政府就將呢條馬路延長咗,去到小北路嗰邊。

所謂「應元宮」

喺清朝初期,平南王尚可喜就帶咗軍隊落咗嚟廣東度,嗰仔尚之信就喺越秀山度起咗間應元宫。後嚟平南王就入咗三藩之亂度,結果俾清政府撳低咗之後,應元宫就用咗嚟搞佛寺同道觀,但佢喺第二次鴉片戰爭嗰陣冧咗。

所謂「應元書院」

內文: 廣州三元宮執信中學

喺清朝嘅同治年代嘅三元宮度起咗嘅書院,凈係畀舉人先入得學。到咗民國時,喺廢棄咗嘅應元書院度起咗間執信中學。後嚟執信中學搬走咗之後,呢度就改咗辦清泉街小學,而學校嘅名係出喺越王井嘅清泉度。而清泉街小學喺2002年就停咗辦,依家係廣州市第二中學嘅初中部。

打破「堂山碑」格局

喺1952年之前,呢條路嘅兩邊係中山紀念堂越秀山係連埋一齊嘅,而遊客可以喺紀念堂後面嘅百步梯度上到山頂嘅中山紀念碑度。但係喺應元路起好咗之後,「堂山碑」嘅格局已經冇咗,依家呢兩度係話成兩個唔同嘅旅遊區喇。

經過嘅道路

 
應元路嘅中間嗰橛(中山紀念堂後面嗰度)

呢度啲路嘅順序係從西去到東嚟排嘅,其中加粗咗嘅字係主幹道:

特色

喺應元路嘅西邊冇幾遠就有間三元宮,嗰度有好多同宗教、殯葬用品有關嘅鋪頭響度。而東邊就有好多唔同嘅食肆檔口喺度。

由於呢條馬路係去到越秀山體育場,一到咗足球比賽嗰日(尤其係廣州富力隊嘅比賽),呢條馬路就逼到爆咁滯,甚至出現封路都有。