吊威也

吊威也，係一種電影特技，喺港產片最先出現。吊威也嚮1970年代發明。

名

威也係英文 wire 嘅音譯，亦即係鋼線咁解。

吊威也之前

嚮「吊威也」未出現之前，演員嘅輕功係用跳彈床倒拍法。例如電影所見，武林高手飛身上屋頂，嚮拍攝現場，演員/龍虎武師/替身/特技人其實係由屋頂跳落地，加紙皮盒接著。嚮剪接放映時，倒序播放就得咗。

點做

自從吊威也發明以後，電影裏面嘅大俠輕功大有進步。因為條威也幼，加埋打燈，就住嚟拍，條威也喺畫面會睇唔倒，不過間唔中都會穿崩。

配合長臂猿吊機車，演員着腰封（harness）上身，腰封「縛」上威也，威也另一邊接上滑輪組鋼索帶。另一組人就喺一邊拉郁個演員。咁就有飛嘅效果。

近年

早期，吊威也喺拍戲現場做，出嘅人力物力都好多，皮費貴，多數喺電影先有，有時，大製作嘅電視劇都會用吊威也。吊威也係高危工作環境，若果出工業意外，保險多數唔包嘅。

近年電腦CG特技進步，好多以前要實境嘅戲，而家喺室內環境做，用CG加返就掂。室內環境比較容易控制，變數小得多，比以前安全得多。

吊威也組件

• 鋼索
• 滑輪
• 腰封（或者叫 安全帶）

睇埋

• 龍虎武師
• 替身
• 血漿
• 紙皮盒
• 放飛劍

外面參考

• 香港武俠片之「吊威也」