同德圍
23°10′N 113°14′E / 23.16°N 113.23°E
同德圍係廣東廣州白雲區一個埞方，包括鵝掌坦、田心、粵溪、上步、橫滘5條村。居民超過30萬，只有西槎路貫穿南北。
1990年廣州市人民政府將同德圍規劃做大型住房解困區，1996年因興建地鐵同內環路，幾萬廣州市區拆遷戶安置喺呢處，1998年興建教師新村。但交通、環境、治安、醫療、教育等等都同市區爭好遠。2005年，廣州電視台節目《新聞日日睇》報道同德圍嘅困境，令公眾對呢笪埞方有所關注。後嚟連廣東電視台珠江頻道屬下嘅今日關注同公共頻道嘅DV現場節目先後喺2012～2014年都講到同德圍嘅困境啲事。
