同濟路站

同濟路站（粵拼：tung4 zai3 lou6 zaam6，英文：Tongji Lu Station）係佛山地鐵1號綫（廣州嗰邊嗌廣佛綫）嘅車站，喺2010年11月3號開始營運。呢個站喺佛山市禪城區汾江中路同埋同濟路嘅交界嘅地底。

同濟路 TONGJI LU
概覽
位置	佛山市禪城區汾江中路同埋同濟路嘅交界
車站色	1號綫：
經過路線	1
啟站	2010年11月3號
月台數	1
站口數	3
營運資訊
車站服務時間	06:05-23:42
列車服務時間	06:00-23:47
佛山地鐵1號綫 新城東站　◄季華路站 祖廟站►　瀝滘站

車站嘅結構

樓層

呢個站有2層樓嘅地下室，其中地下1樓係站廳，而地下2樓係1號綫嘅月台。

地面	-	出入口
地下 １樓	大堂	地鐵警務室、商舖、售票機、自動櫃員機
地下 ２樓	月台	← 1號綫開去季華園站 （行新城東嗰邊）
	島式月台，開左邊門
	月台	1號綫開去祖廟站 （行瀝滘嗰邊） →

站廳

同濟路站嘅站廳西邊係收費區，四周圍俾人行通道同車站嘅商舖圍住嗮，而站廳嘅收費區入面有專用𨋢、扶手電梯同樓梯往返月台都得。

月台

呢個站有1個島式月台，喺汾江中路同埋同濟路嘅交界嘅地底。

同濟路站嘅站廳

同濟路站嘅月台

商舖同自助服務

呢個站入面有商舖同自助服務，入面有便利檔、麵包檔、糕餅檔、入面重有自動櫃員機同自動販賣機，同埋可以充嶺南通、購買彩票、交水電費通交通罰錢嘅服務。

出入口

同濟路站嘅B出入口

編號	標記	去到邊度
出入口A	同濟路	同濟路、汾江中路、垂虹公園、金馬劇院公交站
出入口B	汾江中路	同濟路、汾江中路、金馬劇院公交站、同濟路口公交站
出入口D	汾江中路	同濟西路、汾江中路、佛山教育局、市口腔醫院同濟門診部、同濟路口公交站
註： 有盲人引導徑 | 有斜道 | 有輪椅升降臺

車站歷史

規劃

其實呢個站最先喺2002年嘅廣佛地鐵1號綫規劃入面出現咗，佢係佛山入面嘅其中一個車站。

施工

到咗2007年6月28號，廣佛地鐵1號綫首通段正式開始逳手起，一直到2年後嘅呢日（2009年6月28號）先至搞掂。

開通

去到2010年10月28——29號，呢個站正式開放畀廣州同佛山兩市嘅市民嚟搞坐車。一直到2010年11月3日嘅廣佛地鐵1號綫首通段開通咗之後先至正式營運呢個站。

2014年10月11號，D出入口封閉一個鐘。

喺2014年10月11號17點50分到，佛山市公安局公交分局同濟路站警務室嘅執勤人員喺巡緊呢個站嘅D出入口差唔多去到樓梯嗰邊嘅垃圾桶上面，睇到有隻冇人認嘅書包，好多人都以為呢個書包入面裝住炸彈。不過搞緊地鐵站巡邏嘅民警用咗金屬探測儀查過下，都重話可能有炸彈都未定。結果公交分局就馬上將呢個站嘅D出入口封閉，嚟查清楚呢單嘢。而特警嚟咗呢度用技術手段差過下冇人認嘅書包之後，證實冇可疑，一開包之後查到入面裝住好多生活用品同大把嘅電腦書響度，而呢個過程搞到地鐵站嘅D出入口封閉咗差唔多一個鐘。後嚟民警查過地鐵入面嘅閉路電視，證實有位廿幾歲嘅僆仔喺D出入口嘅通道入面掟咗個黑色書包喺垃圾桶上面之後就入咗站，跟住坐咗去西朗嗰邊嘅車走咗。

利用状况

同濟路站附近都係啲以較密集嘅住宅地區，附近有佛山樂園同好多間中小學響度。不過由於嗰時佛山地鐵線網重未搞掂，所以車站凈係得好少人嚟坐車，但喺上落班高峰嗰陣，呢個站就好多人上落。

上一站·下一站

上一站⇚⇚　　　　佛山地鐵　　　　⇛⇛下一站
季華路站 新城東站←	同濟路站 1號綫	祖廟站 →瀝滘站
提醒：佛山地鐵1號綫嘅東延段方面，而家重未開通。