同音漢字書寫規則

《同音漢字書寫規則》（同音の漢字による書きかえ）係日文嘅正字法，以同音通假為手法，凡係《當用漢字表》外嘅字，都由同音又通假嘅當用字而替代。國語審議會於1956年（昭和31年）7月5日公布該方案，作為業界出版文字嘅指引，其中包括同音異義語、同音異形詞。

簡介

根據1946年（昭和21年）嘅《當用漢字表》，凡係《當用漢字表》表外嘅字，都要用其他方式替換。呢啲字可以搵第個詞彙替代，或者淨係將詞語裏面嘅表外漢字轉做假名。 但係，用其他嘅詞會詞不達意，甚或者會令文意冗贅，而轉寫做假名又唔符合閱讀習慣。相反，同音通假呢個方法更加直接、方便。最初，出版界、各新聞社各自為政，各有詞形嘅標準，令社會用字混亂。於是，國語審議就制定標準，以同音通假為方法，並用佢規範詞形，從而製出《同音漢字書寫規則》。

《同音漢字書寫規則》分別規定咗「代用字」、「代用語」。代用字，指用同音嘅當用漢字嚟通假詞中嘅表外漢字。譬如，「稀」係表外漢字，所以，本來作「稀少」、「稀薄」嘅兩個詞，都要改做「希少」、「希薄」。如此類推，以「希」為「稀」嘅代用字，並取代熟語中嘅「稀」字。但係，有啲代用字只限於部份詞組，例如：

• 「訣」

變：「訣別」→「決別」　

唔變：「秘訣」→「秘決」

• 「澱」

變：「沈澱」→「沈殿」　

唔變：「澱粉」→「殿粉」

• 「撥」

變：「反撥」→「反発」　

唔變：「撥音便」→「発音便」

• 「顚」

變：「顚倒」「動顚」→「転倒」「動転」等　

唔變：「顛末」→「転末」

• 「綜」

變：「綜合」→「総合」　

唔變：「錯綜」→「錯総」

另外，「甚」、「磨」、「妄」本來係表外漢字，而且已經有埋代用字，如「蝕甚」→「食尽」、「研磨」→「研摩」、「妄動」→「盲動」，後來常用漢字表又收錄翻以上嘅三字，所以而家又書寫原字。其實，日本新聞協會、學術用語集都有非官方嘅同音替代語，重已經廣泛於民間。

同音通假好少用喺人名同固有名詞度，但係「満洲」一般表記為「満州」（「洲」係表外漢字）。其實，替代語有時亦出現喺未採用嘅詞中，諸如「叮嚀」、「意嚮」、「蹶起」、「媾和」、「銓衡」、「繃帯」等。但係，「下剋上」、「古稀」、「玉石混淆」、「車輛」、「漁撈」、「鈑金」之類本應按照規範嘅術語，仍然會喺文學作品中見倒。而類似「燻製」嘅詞都仍未按照規範寫法。近年來，「障害」中嘅「害」字受人避諱，某啲地方政府並將其轉做假名，即係「障がい」。然而，反對假名轉寫嘅人（如佐賀縣嘅知事古川康）就提議收錄「碍」字到常用漢字表，並寫作「障碍」。

對此，文化審議會就否決咗提案，原因為「提出者理由中有事實錯誤」。2009年12月，「殘障者制度改革推進本部（障がい者制度改革推進本部）」同文化審議喺內閣府中討論過喺公文中採用「障碍」一詞與否，重提議過收錄「碍」字到《常用漢字》嘅意見。

替換之例

以下係1956年國語審議會中發表嘅同音替換詞嘅一部份，而粗體嘅漢字就去到2010年6月發表嘅「改定常用漢字表」後先收錄。

暗誦→暗唱 闇夜→暗夜、其他 意嚮→意向 慰藉料→慰謝料 衣裳→衣装 陰翳→陰影 穎才→英才 叡智→英知 掩護→援護 恩誼→恩義 廻転→回転、其他 火焰（焔）→火炎、其他 挌闘→格闘 活潑（溌）→活発 間歇→間欠 肝腎→肝心 稀少→希少、其他 奇蹟→奇跡、其他 兇器→凶器、其他 漁撈→漁労 伎倆（技倆）→技量 区劃→区画、其他 掘鑿→掘削 訓誡→訓戒、其他 燻製→薫製 決潰→決壊、其他 蹶起→決起 訣別→決別 絃歌→弦歌、其他 儼然→厳然 嶮岨→険阻 交叉→交差 扣除→控除 礦石→鉱石、其他 香奠→香典 広汎→広範 亢奮→興奮 昂奮→興奮 弘報→広報 曠野→広野 媾和→講和 涸渇→枯渇

骨骼→骨格 雇傭→雇用 根柢→根底 醋酸→酢酸 坐視→座視、其他 雑沓→雑踏 讃辞→賛辞、其他 撒水→散水 刺戟→刺激 屍体→死体 車輛→車両、其他 終熄→終息 聚落→集落 障碍→障害、其他 銷却→消却、其他 陞叙→昇叙、其他 焦躁→焦燥 牆壁→障壁 蒸溜→蒸留 書翰→書簡 抒情→叙情 試煉→試練 浸蝕→浸食、其他 伸暢→伸長 滲透→浸透 訊問→尋問 衰頽→衰退、其他 尖鋭→先鋭、其他 銓衡→選考 煽情→扇情 擅断→専断 戦歿→戦没、其他 象嵌→象眼 綜合→総合 相剋→相克、其他 剿滅→掃滅 簇生→族生 沮止→阻止、其他 疏通→疎通、其他 褪色→退色 歎願→嘆願、其他 煖房→暖房

智慧→知恵 註釈→注釈、其他 沈澱→沈殿 牴触（觝触）→抵触 鄭重→丁重 叮嚀→丁寧 碇泊→停泊 手帖→手帳 顚（顛）倒→転倒、其他 蹈襲→踏襲、其他 杜絶→途絶 悖徳→背徳、其他 破毀→破棄、其他 曝露→暴露 破摧→破砕 醱（醗）酵→発酵 抜萃→抜粋 叛乱→反乱、其他 蜚語→飛語 符牒→符丁 篇→編 編輯→編集、其他 抛棄→放棄 防禦→防御 繃帯→包帯 厖大→膨大 庖丁→包丁 輔佐→補佐、其他 摸索→模索、其他 野鄙→野卑 熔接→溶接、其他 慾→欲 理窟→理屈 悧巧→利口 掠奪→略奪、其他 諒解→咗解、其他 輪廓→輪郭、其他 連繫（繋）→連係 聯合→連合、其他 彎曲→湾曲、其他

以下係喺國語審議會報告中重未規定嘅替代詞，常見於新聞界、學術用語集同埋一般場合。

啞（唖）鈴→亜鈴 萎縮→委縮 一攫千金→一獲千金 湮滅→隠滅 臆断→憶断 臆病→憶病 確乎→確固 恰好→格好 函数→関数 貫禄→貫録 義捐→義援 嬉々→喜々 毀損→棄損 気魄→気迫 詭弁→奇弁・危弁 嬉遊曲→喜遊曲 饗宴→供宴 橋頭堡→橋頭保 共軛→共役 醵金→拠金 醵出→拠出 禁錮→禁固 燻蒸→薫蒸 敬虔→敬謙 激昂→激高 肩胛骨→肩甲骨 眩惑→幻惑 勾引→拘引 耕耘機→耕運機 昂進（亢進）→高進

合辦→合弁 鑿岩→削岩 三叉路→三差路 紫斑→紫班 馴化→順化 遵守→順守 遵法→順法 駿馬→俊馬 饒舌→冗舌 絛虫→条虫 食餌→食事 新撰→新選 心搏→心拍 撰者→選者 撰集→選集 撰修→選修 尖兵→先兵 擡頭→台頭 断乎→断固 抽籤→抽選 鳥瞰→鳥観 輾転反側→展転反側 臀部→殿部 當籤→當選 廃墟→廃虚 買辦→買弁 白堊→白亜 搏動→拍動 波瀾→波乱 斑点→班点

飄然→漂然 披瀝→披歴 諷喩→風諭 敷衍→敷延 扮装→粉装 分溜→分留 辮髪→弁髪 扁平→偏平 防遏→防圧 捧持→奉持 芳醇→芳純 膨脹→膨張 堡塁→保塁 拇指→母指 脈搏→脈拍 明媚→明美 優駿→優俊 落伍→落後 濫獲→乱獲 濫掘→乱掘 濫作→乱作 濫造→乱造 濫読→乱読 濫伐→乱伐 濫発→乱発 濫費→乱費 濫用→乱用 溜飲→留飲 溜出→留出

《同音漢字書寫規則》中有唔少字認為係本來嘅錯誤寫法。另外，雖然好多當用漢字裏嘅熟語以同音替代詞嘅寫法標記，但係都有啲特例，如「旱魃」→「干魃」（「干ばつ」）、「稀覯」→「希覯」等轉寫，從未喺報告中提及過。

替換而混同嘅同音異義詞（範例）

• 「掩護」同「援護」

掩護係喺敵人嘅攻撃下保護隊友嘅行動，如「―射撃」

援護係救助處於困境嘅人，如「被災者を―する（救助受災者）」

• 「徽章」同「記章」

徽章係表明身分、資格、所屬團體而附喺衫或帽上嘅物品。「制帽の―（學生帽上嘅徽章）」

記章係發畀參加活動嘅有關人士嘅紀念物，如「従軍―」

• 「綺談」同「奇談」

綺談指有趣又精闢嘅談話。

奇談指異乎尋常嘅故事，如「珍談―」

• 「教誨」同「教戒」

教誨係受刑者嘅教育，如「―師」

教戒（教誡）係告誡嘅意思，喺口語中幾乎唔用。

• 「昏迷」同「混迷」

昏迷係迷惘而且不知所措嘅意思。又係醫學術語，指有意識而對外部刺激冇反應嘅狀態。實際上第一項意思極之少用，一般僅作為醫學術語。

混迷指難以理解、真偽莫辨，如「―する政局（混亂嘅政局）」

• 「蒐集」同「収集」

蒐集指收藏，如「切手の―（收藏郵票）」

収集僅指收集嘅動作，如「ごみの―（垃圾收集）」

• 「情誼」同「情義」

情誼指真心實意，如「―に厚い（情深誼長）」

情義指人情義理，如「―を欠く（欠人情）」

• 「牆壁」同「障壁」

牆壁只指牆壁。「防火―（防火牆）」

障壁指阻礙行動嘅嘢，主要係抽象概念，如「関税―（關稅壁壘）」

• 「棲息」同「生息」

棲息指棲息喺某種場所。生物學中用於動物。「猿の―地（猴嘅棲息地）」

生息指生活、生存。生物學中用於植物。「都会に―する（生活喺都市）」「高山に―する植物（生長喺高山上嘅植物）」

• 「洗滌」同「洗浄」

洗滌指洗得十分乾淨，又指用水或藥劑等洗滌。「洗滌」本來嘅讀音係「せんでき」，而慣用讀法係「せんじょう」，具體例子：「胃を―する（洗胃）」

洗浄指佛教中身心嘅洗濯，少用詞。

• 「尖端」同「先端」

尖端指尖銳物體嘅尖端，又指時代或流行事物嘅開始。「錐（きり）の―（錐尖）」「岬の―（海角）」「時代の―（時代嘅前奏）」「流行の―（流行前奏）」「―技術（尖端技術）」

先端指長嘅物體嘅前端。「棒の―（棒嘅前端）」

• 「破毀」同「破棄」

破毀係法律用語，指高級法院承認上訴成立而取消原判。如「原判決を―する（取消原判）」

破棄指破壞、拋棄。又指契約、協議等嘅單方面消除「書類を―する（毀棄資料）」「契約を―する（取消契約）」

• 「哺育」同「保育」

哺育指動物哺育下一代。

保育指保護、養育嬰幼兒。「―園」「―器」「―所」

• 「妨碍」同「妨害」

妨碍指阻礙通行。

妨害指為咗阻止對方行動而加害。

• 「厖大」同「膨大」

厖大係形容詞，指數量或規模大。「―な計画（宏大嘅計劃）」「―な予算（龐大嘅預算）」

膨大係動詞。「予算が―する（預算增多）」

• 「椿事」同「珍事」

椿事係意料之外嘅大事，如「春先の―（早春嘅意外事件）」

珍事指罕見、異常嘅往事，如「前代未聞の―（未曾聽聞嘅怪事）」

替換前已有嘅異形詞

以下嘅詞語係喺規範前已有嘅異型詞，後來凡係詞中有表外漢字，都以原含表內漢字者為準。

• 饑餓→飢餓：「饑」含「飢」義。
• 障碍→障害：漢字圏以內，「碍（礙）」、「害」音義唔同，故唔用「障害」一詞，「障害」惟日本獨有。
• 歎願→嘆願：「歎」通「嘆」。
• 磨滅→摩滅：戰前已通用。

對新詞嘅影響

譬如，「姆」義為「乳母」，本有「保母」、「保姆」之分，後以「母」代「姆」，而從事同類職業嘅男性，就稱為「保父」，重衍生出咗「父」嘅對立。喺日本，而家嘅職稱凡有陰陽之分，多改取中性者，如「保母」、「保夫」已統稱為「保育士」。

《改定常用漢字表》嘅影響

文化審議會於2010年6月，喺《改定常用漢字表》中追加咗196字。其中「臆、潰、毀、窟、腎、汎、哺、闇」八字，增至《同音漢字替代詞》。惟「闇」字特別處理，轉寫做片假名「アン」。而剩低7字，就規範咗同佢相關嘅13個詞組。《同音漢字替代詞》之增，只為配合《當用漢字》而變動。至於當前嘅《常用漢字》、《改定常用漢字》，都以「目安」為準，即滿足一般嘅閱讀需求。此外，重避免咗唔適宜同音假借嘅詞組。

• 【臆説→憶説】「臆」字嘅詞例有「臆説」，註釋咗〈「憶説」とも書く。〉一句，譯作「又寫作『憶説』。」
• 【臆測→憶測】「臆」字嘅詞例有「臆測」，註釋咗〈「憶測」とも書く。〉一句，譯作「又寫作『憶測』。」
• 【潰滅→壊滅】
• 【潰乱→壊乱】
• 【肝腎→肝心】「腎」字嘅詞例有「肝腎」，註釋咗〈「肝心」とも書く。〉一句，譯作「又寫作『肝心』。」
• 【決潰→決壊】
• 【広汎→広範】
• 【全潰→全壊】
• 【倒潰→倒壊】
• 【破毀→破棄】
• 【哺育→保育】
• 【崩潰→崩壊】
• 【理窟→理屈】

其中包括戰後已用嘅詞組，如以上「憶説」、「憶測」、「広範」三詞。而「破毀·破棄」、「哺育·保育」就係唔同嘅詞語。剩低嘅八詞，早已經有，唔係新造嘅。

與簡化字一致嘅詞

《同音漢字書寫規則》中部份替換詞同中國嘅簡體字寫法一致。

• 闇→暗
• 廻→回
• 禦→御（「制禦→制御」、「防禦→防御」）
• 兇→凶
• 嚮→向（「意嚮→意向」）
• 絃→弦
• 倖→幸
• 剋→克（「下剋上→下克上」、「相剋→相克」）
• 颱→台（「颱風→台風」）
• 煖→暖（「煖房→暖房」、「煖炉→暖炉」）
• 註→注
• 牴→抵（「牴触→抵触」）
• 觝→抵（「觝触→抵触」）
• 慾→欲

類似個例

• 757年，統一新羅為咗以兩字嚟表記地名而喺各地推行改名，用同音或近音嘅漢字改地名。新羅改名只求美化，而日本就為限制漢字。但係，改名亦令到一啲新名唔同用諺文表記嘅發音。

對華影響

近代以來，華語借用咗大量嘅和製漢語，包括用代用字嚟書寫嘅，呢類嘅舶來詞都唔會書寫原詞形，而係直接照搬來用。以下係漢語中常見嘅代用字詞形。例如：

• 「智識」→「知識」→「知識」
• 「崩潰」→「崩壊」→「崩壞」
• 「辨當」→「弁當」→「便當」
• 「屍体」→「死体」→「死體」
• 「叛逆」→「反逆」→「反逆」

參考

• 小池和夫 (2001)。《旧字旧かな入門》。シリーズ日本人の手習い。柏書房。ISBN 4-7601-1997-3。 {{cite book}}: Check |author= value (help)

睇埋

• 當用漢字
• 常用漢字
• 日本國語審議會
• 日本国語国字問題