假名 (日文)
日本嘅音節文字
(由假名跳轉過嚟)
假名（粵拼：gaa2 ming4；日文：仮名／かな kana），係日本獨有嘅表音文字，有平假名、片假名、萬葉假名等唔同嘅表記法。
「假名」嘅由來，係相對「真名」（即漢字）。而家嘅「假名」嘅日文讀音係「かな」，古時「假名」叫做「かりな」，之後簡化成做「かんな」，再簡化成今日嘅讀音。
平假名同片假名改
變體假名改
- 內文：變體假名
群馬県四万温泉個蕎麦屋嘅看板。「生そば」「なが井」度有用緊變體假名。
歷史上，一個摩拉唔一定衹有一個假名同佢對應，而往往會有好多個變體假名（日文：変体仮名）嚟表示佢。但自從日本1900年第三次小學校令之後，啲變體假名連同わ行「ゐゑを」都廢止使用（「を」准衹保留喺賓格助詞度）。係噉啲變體假名就剩係喺一啲人名、地名、招牌名同埋傳統藝術（譬如花札）裏便用到；而喺1948年之後，跟到日本戶籍法嘅實行，變體假名亦唔得再喺姓名登記陣時使用。