名門 (住宅)

名門（英文：The Legend），之前叫渣甸山名門（The Legend at Jardine's Lookout），係香港嘅一座私人屋苑，嚮香港島大坑，係長江集團發展出嚟嘅地產項目，大概喺2005年至2006年落成，2007年第二季入伙。

名門有四座樓，第1座叫顯名殿，第2座叫揚名殿，而第3同埋第4座向海嘅單位叫盛名殿，向山嘅單位就叫耀名殿[1]，佢係香港第一個鋪咗變色光纖外牆嘅住宅。由於一梯一伙或者兩伙，所以即使有四座樓，單位亦都只得376個。

名門以前係虎豹別墅部份地段。虎豹別墅嚮2000年賣咗畀人之後，留返小部份舊別墅做保育。虎豹別墅係由胡文虎嘅繼承人將嗰幅地（部份）以一億港元賣畀長江實業，不過香港政府同長江實業協議，保留原有嘅虎豹別墅主樓同埋「虎塔」畀香港政府，日後重新開放畀市民。

住戶組織

名門而家已經有一個業主委員會（Owners Committee），係由大業主長江連同物業管理喺2009年 2月27號業主會議按大廈公契（Deed of Mutual Convenant）成立。雖然個別業主有反對。

呢篇名門 (住宅)係香港建築嘅楔位文章，重未完成嘅。麻煩你幫手補充佢嘅內容。