向天再借五百年
《向天再借五百年》係由中國歌手韓磊演唱、樊孝斌填詞，張宏光作曲。隻歌係中國大陸電視劇《康熙王朝》主題曲，韓磊嘅代表作。
| 向天再借五百年 | |
|---|---|
| 韓磊嘅歌 | |
| 發行日期 | 2001年 |
| 填詞 | 樊孝斌 |
| 作曲 | 張宏光 |
出名 編輯
《向天再借五百年》因《康熙王朝》喺中國中央電視台電視劇頻道嘅熱播而紅咗，喺2008年中國中央電視台搞嘅《30年電視劇歌曲盛典》攞到「中國改革開放30年優秀電視劇歌曲」[1]。
爭議 編輯
關於主旨 編輯
電視劇顯示嘅歌詞第11至第16句係：「看鐵蹄錚錚 踏遍萬里河山 我站在風口浪尖 緊握住日月旋轉 願煙火人間 安得太平美滿」，邏輯係冇矛盾。第15同16句「願人間······安得······美滿」，語義就有矛盾嘅地方。
假如換咗發音相近、而令文法通順嘅「血淹沒人間」，就令成隻歌嘅思想差好遠。所以部分聽眾質疑，隻歌原本唔係《康熙王朝》嘅主題曲，而係為2001年電視劇《大英雄鄭成功》寫嘅。作曲人張宏光喺「我的紀錄片：韓磊」（20140313期）入面表示：「這首作品是別的電視劇的一首歌······因為種種原因擱置在那·····後來人家臨時要，才給了同樣是古裝片的康熙帝國」[2]。有人考證近似嘅曲調喺1991年《神醫朱丹溪》主題曲《愛你永遠無絕期》被採用過，但兩者風格唔同，證實唔到張宏光講嘅係為《神醫朱丹溪》而寫。
對詞作者樊孝斌嘅採訪文章就寫話：「其實在樊孝斌的心裡，愛國是最起碼的，不管生活在哪個民族、屬於哪個民族，每個人都應該有一個很強烈的民族情結。而對祖國的愛不需要複雜，其實和對家的愛是一樣的。治理好了一個小家，你就在愛你的國家；愛好你身邊的人，也可能就愛好所有的人。」[3]
關於詞作者 編輯
喺電視劇《康熙王朝》播出嗰陣，《向天再借五百年》嘅詞作者署名係張俊以、樊孝斌。演唱人韓磊表示過張俊以只係《向天再借五百年》嘅掛名詞作者[4]。真實嘅作者係署名喺張俊以後邊嘅樊孝斌。
而樊孝斌只係含糊咁話「這首歌裏有他的藝術創作」。同時佢仲表示，如果冇張俊以嘅幫助，呢隻歌都冇辦法搞掂，「因為張俊以投資了歌曲部分」[5]。
2003年12月12號北京市第一中級人民法院對張俊以判處6年有期徒刑，有張俊以嘅署名有《向天再借五百年》在內嘅大量作品，再次出現嗰陣「張俊以」嘅署名已然消失。《成都晚報》引述業內人士意見認為，張俊以署名權被單方面剝奪，意味住呢啲作品已經返到本來嘅情況。但係張俊以雖然犯罪獲刑，並唔意味住佢嘅著作權唔受法律保護。佢署名過嘅作品已經公開發表，從著作權嘅角度嚟睇，佢已攞到合法嘅署名權。只要合作者唔提出異議，都冇訴諸法律，張俊以嘅署名權就唔應該被相關播出單位單方面剝奪[6]。
參考 編輯
- ↑ 改革開放30年電視劇歌曲盛典 名家唱出時代烙印
- ↑ 〈張宏光：《向天再借五百年》最初非為《康熙王〉. 原先內容歸檔喺2019-08-10. 喺2018-11-21搵到.
- ↑ weibo.com https://web.archive.org/web/20210726155215/https://weibo.com/ttarticle/p/show?id=230940440089987422628. 原著喺2021-07-26歸檔. 喺2019-09-10搵到.
{{cite web}}: Missing or empty|title=(help) - ↑ 〈張俊以只是掛名詞作者？ 《康熙》如約唱響金鷹〉. 原著喺2011-11-30歸檔. 喺2012-04-19搵到.
- ↑ 〈張俊以事件再調查：他的歌詞是怎樣寫成的？〉. 原著喺2011-11-30歸檔. 喺2012-04-19搵到.
- ↑ 〈張俊以寫歌是「雇槍手」 署名權現被單方面剝奪〉. 原先內容歸檔喺2019-08-10. 喺2012-06-04搵到.