吳傑莊

吳傑莊，MH（Johnny Ng，1974年—），廣東中山人，香港親中陣營政治人、生意人，依家係香港立法會議員。

部分公職編輯

吳傑莊係香港親中陣營嘅支持者，曾經擔任香港青年聯會主席。

喺2016年，佢成為香港特别行政區選舉委員會體育、演藝、文化及出版界（演藝小組）委員。之後，佢有份提名林鄭月娥參與2017年香港行政長官選舉^[6]。

2020年5月尾，吳傑莊有份參與一份由文化演藝界聯署，支持北京未經諮詢或香港人同意而強行訂立，同時引起泛民主派一致爭議嘅《香港國安法》^[7]^[8]，但有關聯署之後被踢爆老作，其中名單上嘅張寶華、徐熙媛、李巧靈同蔣志光之後矢口否認有份參與，而陳汝騫就响2019年與世長辭^[9]。

喺2021年9月，佢成為香港特别行政區選舉委員會委員(港區全國政協委員)^[10]。2022年，佢喺李家超無提政綱嘅情況下，有份提名李家超參與2022年香港行政長官選舉^[11]。

喺2023年8月，佢喺特首李家超會見立法會議員個陣，就香港生育率低提議每個初生嬰兒派一萬港元「利事」，又建議有0到6歲細路嘅家庭可以獲優先分派公屋，似乎係鼓勵低收入嘅人生細路。

吳傑莊曾經响香港賽馬會做馬主，擁有名下馬「翼羽龍駒」、「青年聯動」，不過兩隻都已經退役。