夫差（粵拼：fu4 caai1，—前473年）係春秋時期吳國第25任君主，亦係末代君主，前495年到前473年在位。佢初頭為報殺父嘅仇，成功打贏越國，俘虜咗越王勾踐，不過最後決定放佢一馬。但係夫差太睇小勾踐嘅復原能力，亦逼死咗忠臣伍子胥，結果勾踐經過十幾年臥薪嘗膽之後，終於搵到機會打吳國，最後打到吳國滅亡，夫差走去自殺。
